O actual concelleiro Iago Pereira será o candidato á alcaldía de Baiona polo BNG por decisión da súa asemblea local. “Contrariamente ao Partido Popular e ao señor Almuíña (alcalde de Baiona), nós consideramos que a política ten que ter contido ideolóxico, co fin de dar cumprida solución aos problemas de baioneses e baionesas”, apuntaba trala elección.

O edil nacionalista reflexiona que aínda que “a xente está  a pasalo mal”, non vén ás administracións públicas “como unha axuda”. Pola contraria, entende que hai “desafección” na cidadanía baionesa por mor  das políticas desenvolvidas polo rexedor Vázquez Almuíña. A quen acusa de ter convertido ao Concello de Baiona nun “órgano administrativo sen alma que executa os orzamentos sen aspirar a nada”.

"Xusto foron a escoller a proposta de 'lecer' máis agresiva co medio, máis elitista e de dubidosa xeración de beneficios para a economía local", denuncia a deputada Consuelo Martínez García (CERNA) nunha enquisa presentada ante a mesa do parlamento galego. Salienta que "a idea de promover o turismo como 'monocultivo' inzando Galiza de campos de golf, ademais de obsoleta, é absolutamente ineficaz para os supostos fins pretendidos e insustentable na súa xestión e mantemento". Engade que existen multitude de estudos e de informes de organismos internacionais, ambientalistas, universidades, etc, que así o certifican.

Veciños de Belesar traballaban este venres na procura de conter o aluvión de terra, pedras e auga que baixaba do monte na zona da Medialdea. Denuncian que un recente desbroce facilitou o seu espallamento polo camiño da Costa do Xenio e fincas do lugar trala caída das choivas das últimas 48 hora. Reclaman que os responsables do monte ou o Concello de Baiona dea unha solución rápida á incidencia.

O encontro terá por obxectivo iniciar o proceso de validación do círculo Podemos-Baiona así como un informe dos contactos desenvolvidos coas organizacións socias e parroquias ata de agora. Incluirá un informe da situación económica da agrupación e unha rolda de intervencións aberta ao público asistente. A xuntanza será o vindeiro sábado 17 de xaneiro ás 12 horas na Sala Ángel Bedriñana no baixo da Praza de Abasto de Baiona.

A Concellería de Cultura de Baiona avanza que ten todo preparado para recibir as súas Maxestades os Reis Magos que chegarán a Real Vila subidos nas súas magníficas carrozas perfectamente iluminadas. Para esta ocasión o Concello de Baiona contou un ano máis coa participación na confección e diseño das carrozas dos Reis coa empresa "A Festa Escénica" que anuncian, "sorprenderán cós séus deseños inspirados en persoaxes infantís".

A Garda Civil detivo este venres pola mañá a H.D.R., de 21 anos de idade, veciño de Baiona, como suposto autor do roubo con forza en cinco dos trasteiros do inmoble onde reside así como de dúas bicicletas. As denuncias dos veciños afectados provocou a investigación que deu por resultado a devandita detención.

Portos de Galicia comeza a remodelación das instalacións portuarias de Baiona. Habilitará un centenar de novas prazas de amarre para esloras menores co obxectivo de dar cabida as embarcacións que actualmente se atopan fondeadas.

O Concello de Baiona procederá á substitución do pavimento de pedra da contorna do cruceiro da Santísima Trinidade. Debido á necesidade de utilización de maquinaria pesada, será necesario o corte do tráfico rodado a partir deste martes 9 de decembro ata o final da obra, segundo o bando emitido pola alcaldía.