Un total de 40 rapaces adquirirán formación profesional nos sectores de xardinería e hostelería e realizarán prácticas en empresas da zona grazas a posta en marcha de dous cursos organizados e financiados integramente polo Concello de Gondomar. A iniciativa, segundo informaron os concelleiros responsables Ignacio Troncoso e Natalia Salgueiro, está deseñada pola Concellaría de Xuventude en colaboración con Formación e Emprego, e persegue non só a cualificación profesional dun sector poboacional que rexistra os peores datos de desemprego do Estado, senón tamén a súa incorporación ao mercado laboral.

Hoxe as 20:30 horas a Cámara de Comercio, en colaboración coa Concellería de Emprego e Comercio de Gondomar celebran unha charla informativa sobre a Reforma Laboral. A reunión terá lugar na sala multiusos do Centro Neural de Gondomar.

-O BNG de Gondomar critica que o goberno municipal non esixa unha proba de galego eliminatoria no acceso a postos de traballo no Concello de Gondomar.

-Os nacionalistas afirman que esa falla nas novas convocatorias non dá garantías de ser atendido na lingua do país.

A Concellaría de Igualdade de Gondomar informa que se amplía o prazo de inscricións para o Gondoverán ata o vindeiro xoves 14 de xuño. Os interesados deberán dirixirse á casa consistorial e formalizar a inscrición por Rexistro Xeral do Concello de Gondomar.