O alcalde de Gondomar, Fernando Guitián, e a concelleira de Igualdade, Patricia Durán, clausuraron esta mañá no CEIP Chano Piñeiro o GONDOVERÁN, o campamento de lecer e tempo libre no que participaron 60 rapaces e rapazas durante todo o mes de xullo.

-Trátase das novas propostas de Rubén de Lis, Blue Jeans, Os Terribles de Donas e Os Irmandiños de Vincios

-Todas as bandas actuarán dentro da programación cultural deste verán

-Rubén de Lis rexistrará en directo os temas do seu novo traballo no concerto programado por Cultura o 28 de xullo

-"É esencial potenciar a difusión dos artistas e grupos locais", Ignacio Troncoso, concelleiro de Cultura

A Xunta de Galicia reelaborou o calendario da subvención para a tramitación do Plan Xeral de Organización Municipal (PXOM) de Gondomar fixando o ano 2016 para o pago da última cota correspondente á aprobación definitiva do documento. O novo cronograma espertou críticas por parte do ex alcalde nacionalista (2007-2009) e actual concelleiro non adscrito Xosé Antonio Araúxo quen opinou que finalmente o PP ten programada a aprobación do documento "10 anos despois de nós iniciar os trámites para que Gondomar tivese o tan necesario PXOM".

Logo de pagar máis de 400 mil euros en 2011 por concepto de gasto en electricidade, o Concello de Gondomar modifica 21 contratos de máis de 10KW de subministración eléctrica colocándoos no mercado libre. A medida forma parte dun plan de aforro enerxético e económico que está a desenvolver a Concellaría de Medio Ambiente, segundo anunciou o seu responsable, o concelleiro Juan Carlos González, a través dun comunicado.