Un grupo de clientes vítimas da estafa das preferentes/subordinadas das caixas galegas interromperon este martes o percorrido que o conselleiro Agustín Fernández facía coas autoridades municipais por mor das obras de saneamento en Gondomar. Parte dos afectados que actualmente ocupan o edificio do Concello saíron do peche co fin de esixirlle a Fernández que atopara cos seus compañeiros de goberno unha solución política ao "curraliño" no que as financeiras deixaron os seus aforros. O alcalde de Gondomar, Fernando Gutián, intercedeu na conversa que por momentos subía de ton, para pedirlle ao conselleiro que en nome dos seus veciños fixesen o posible por axilizar unha solución ao problema.
Gondomar - Noticias de Gondomar e Val Miñor
Afectados polas preferentes abordan ao conselleiro Agustín Fernández na súa visita a Gondomar.
Gondomar abre o prazo de inscrición para o concurso-desfile do Entroido 2013
- O horario será de luns a venres de 9.00 a 13.30 horas e sábados de 9.00 a 13.00 no Rexistro do Concello de Gondomar
A recollida de lixo en Gondomar e o cobro da taxa respectiva pasará a mans do servizo provincial.
O vindeiro martes 15 de xaneiro o Pleno do Concello de Gondomar debaterá a pasaxe da xestión da recollida de lixo municipal ao servizo provincial ofrecido pola Deputación. O tema consta como único punto da Orde do Día proposto polo goberno municipal con maioría no Pleno, e solicita "a delegación no ORAL da xestión, inspección, liquidación, recadación, sanción, revisión dos actos e actuacións sobre a taxa polo servizo de recollida domiciliaria de lixo".
Ábrense inscricións para cursos oficiais de lingua galega no Concello de Gondomar
O Concello de Gondomar xunto coa Secretaría Xeral de Política Lingüística da Xunta de Galicia informan que porán organizar cursos de diferentes niveis preparatorios para as probas oficias de CELGA 1,2, 3 ou 4 de lograrse a formación de 20 alumnos por curso. Polo cal abren inscricións ata o 23 de xaneiro no Centro de Desenvolvemento local de Gondomar (Avda. do Conde, s/n) en horario de oficina.
O XXXI Certame de Rondallas de Reis reunirá en Gondomar ás agrupacións máis destacas do sur de Pontevedra.
-As locais agrupacións de Vincios e Chaín serán as anfitrionas dun desfile que contará con 10 rondallas en representación de Vigo, Nigrán, Mos e Porriño.
-O desfile de rondallas comezará ás 10 horas da mañá de Reis en contará co tradicional "encontro de bandeiras".
-En caso de choiva o evento terá lugar no Pavillón Municipal de Deportes.
JPAGE_CURRENT_OF_TOTAL
