O Concello de Gondomar anunciou a apertura de inscricións para participar no programa "Gondomar traballa polo emprego". Un ciclo de carácter gratuíto, que ten por obxectivos fornecer nos interesados a preparación e habilidades na pescuda de emprego. O calendario prevé o desenrolo de 4 obradoiros que terán por temática o desenvolvemento persoal, o proceso de selección, o Emprego 2.0 e Recursos cara o Emprego. Os faladoiros terán lugar no Centro Neural de Gondomar durante o mes de novembro. As inscricións tamén deben facerse no CDL de luns a venres de 9 a 13:30 horas, ou no teléfono 986 38 40 20, así como no correo electrónico Este enderezo de correo-e está a ser protexido de robots spamers, precisas activar o JavaScript para velo .
Gondomar - Noticias de Gondomar e Val Miñor
Inscricións abertas para participar no ciclo formativo "Gondomar traballa polo emprego".
Nin parque eólico nin minería extractiva a ceo aberto é a posición dos nacionalistas de cara o Pleno de Gondomar.
Nin parque eólico nin minería extractiva a ceo aberto no Galiñeiro é a proposta que os cinco concelleiros nacionalistas (non adscritos) defenderán no Pleno do Concello de Gondomar na vindeira sesión do 8 de novembro. A defensa do entorno natural da serra a levarán adiante a través de dúas mocións asinadas polo ex alcalde Antonio Araúxo quen adiantou nesta xornada a presentación das mesmas.
Denuncian achado de bidóns con produtos inflamables nunha canteira abandonada na Serra do Galiñeiro.
Espallados entre unha morea de entullo nas instalacións da antiga canteira de Vilas (Morgadáns), membros da Plataforma pola protección da Serra do Galiñeiro atoparon recipientes con líquidos inflamables e tóxicos abandonados no lugar. O achado foi posto en coñecemento da Policía Local de Gondomar a que segundo informaron esta tarde dende a Plataforma, fixo a correspondente notificación ás autoridades do SEPRONA. Os bidóns, de diferentes dimensións, conterían aceites, valvulina e gasolina segundo os veciños
Unha empresa privada cubrirá as vacantes do Conservatorio de Música de Gondomar nos próximos tres meses.
O Conservatorio de Música de Gondomar retoma a normalidade dos cursos a través da contratación -en principio por un trimestre- dunha empresa privada que cubrirá as tres vacantes docentes que por motivos de xubilación e baixas de saúde sufría o cadro de profesores da entidade. Paula Bouzos, concelleira de Educación de Gondomar adiantou que o Conservatorio prepara un calendario para recuperar as clases perdidas dende o principio do curso. Agregou que o Concello convocará un proceso selectivo de concurso- oposición coa intención de contar con profesores propios a partir do vindeiro mes de xaneiro.
ACHEGO "baixa o telón" e prepara a liquidación dos seus bens afogada polas débedas.
Endebedada e sen recursos económicos, a Asociación de Comerciantes, Hostaleiros e Empresarios de Gondomar (ACHEGO) enfronta un proceso de disolución que rematará nun peche total de actividades nos vindeiros días. Só a liquidación dos poucos activos do colectivo cara a deixar con "débeda cero" a curta andaina desta asociación, mantén a súa derradeira directiva con reunións periódicas, informou o vice presidente da mesma, Manuel Piñón a Valminor.info. O correo electrónico da asociación xa devolve as mensaxes dirixidas á entidade cunhas breves liñas que informan que " Desde el pasado 1 de octubre Achego ha dejado de funcionar y ahora estamos en proceso de disolución."
JPAGE_CURRENT_OF_TOTAL