Relaciones entre escritores de Galicia e Portugal será o tema do novo faladoiro literario no espazo cultural Mercado de la Tía Ni. O encontro será este xoves 4 de agosto ás 20 horas. Manuel Mariño (bibliógrafo) participará como moderador deste faladoiro informal. O Mercado de la Tía Ni atópase no camiño Julián Valverde, número 36 na parroquia de Sabarís, Baiona.
O Mercado de la Tía Ni de Sabarís acolle o faladoiro "Relaciones entre escritores de Galicia e Portugal" .
Ciclo Cine na rúa en Gondomar
Hoxe da comezo o ciclo de cine na rúa en Gondomar organizado pola Concellería de Cultura. O lugar para as proxeccións será o Parque da Coelleira ás 22:30h , detrás do edificio do Concello. O primeiro filme en abrir este ciclo este mércores 3 de agosto será a película de animación "Cómo entrenar a tu dragón"
O monólogo musicado de Tonhito de Poi volve ao Val Miñor
Tonhito de Poi volve ao Val Miñor co seu monólogo musicado. A cita será este xoves 4 de agosto a partir das 23:00h na Tarberna Marrucho (Percebilleira 58 - Baiona) formando parte do cartaz do I Ciclo de Monólogos do Marrucho. A entrada ten un custe de 4€.
Segunda ruta ambiental por Baiona
Mañá xoves termina o prazo de inscrición para realizar a 2ª ruta ambiental por Baiona.
A Concellaría de Turismo de Baiona informa da organización da segunda, das catro rutas ambientais que levarán a cabo este verán en Baiona. Nesta visita os participantes poderán coñecer o patrimonio natural e etnográfico das parroquias da Vila, visitando puntos como a senda fluvial dos muíños de Baredo, onde se dará aos asistentes información sobre a función destes muíños, o miradoiro de Cabo Silleiro, coas súas impresionantes vistas panorámicas; a visita á contorna natural do río en Baíña e aos petróglifos de Outeiro dous Lameiros, na parroquia de Santa Cristina da Ramallosa.
O IEM guiará unha xeira polo tramo final do río Muíños este mércores en Nigrán.
A andaina terá por obxectivo visitar o bosque de ribeira atlántica desta zona do Val Miñor, salientando a súa frondosa e diversa vexetación que caracteriza este tipo de área ecolóxica. Tamén e durante todo o percorrido, repasarase a rica toponimia do lugar. A saída será este mércores 3 de agosto ás 18 horas e terá como punto de encontro o quiosco Pasión Praia en Praia Lourido (Praia América). Os guías serán os membros do Instituto de Estudos Miñoranos Xosé Lois Vilar e Xosé Ramón García.
Participa no sorteo de 2 entradas dobres para ir ao festival Son de Vigo
Valminor.info sortea, por cortesía da organización do festival Son de Vigo, 2 entradas dobres para os concertos de RAGDOG, MIGUEL COSTAS, ELADIO Y LOS SERES QUERIDOS e IVAN FERREIRO o próximo 6 de agosto ás 22:30h no auditorio de Castrelos en Vigo.
O Festival Son de Vigo é un espazo propio e relevante para a música feita en Vigo dentro das festas de verán do 3 ao 6 de agosto. A iniciativa parte da Alcaldía e da Concellería de Cultura e Festas de Vigo. Os artistas e grupos participantes son: El Puto Coke, Wöyza, Leo i Arremecaghona, Alféizar, Amaro Ferreiro, Abraham Boba, Ragdog, Miguel Costas, Eladio y los Seres Queridos e Iván Ferreiro. Os escenarios: a Praza da Constitución do 3 ao 5 de agosto e o Auditorio de Castrelos o sábado 6 de agosto.
55 proxectos audiovisuais galegos serán apoiados con subvencións da Agadic .
.A Agadic subvenciona 55 proxectos audiovisuais cun total de 674.000 euros.
.Diríxense á promoción do talento audiovisual, á produción de curtametraxes e ao desenvolvemento de novos proxectos fílmicos e de contidos interactivos.
.Un total de 49 produtoras e creadores individuais benefícianse destas axudas.
Maxia branca en Panxón
![galera](/images/resized/images/stories/chismas/galera_100_100.gif)
O Nigrán Jazz 2011 xa ten cartel
![The-Jazz-Man](/images/resized/images/stories/carteis/the-jazz-man_100_100.jpg)
JPAGE_CURRENT_OF_TOTAL