A andaina terá por obxectivo visitar o bosque de ribeira atlántica desta zona do Val Miñor, salientando a súa frondosa e diversa vexetación que caracteriza este tipo de área ecolóxica. Tamén e durante todo o percorrido, repasarase a rica toponimia do lugar. A saída será este mércores 3 de agosto ás 18 horas e terá como punto de encontro o quiosco Pasión Praia en Praia Lourido (Praia América). Os guías serán os membros do Instituto de Estudos Miñoranos Xosé Lois Vilar e Xosé Ramón García.
