“Galicia sería díficil de entender sen emigración, pero moito máis difícil sería imaxinala de non se ter producido esta profunda e sostida onda migratoria, que vencellou estreitamente a imaxe dos galegos no mundo con tantos outros pobos europeos -e non europeos- que tamén foron países de emigrantes”. Así o ve Ramón Villares, presidente do Consello da Cultura Galega e catedrático de Historia Contemporánea da USC, no seu traballo “Vellas e novas formas de entender a emigración”, que abre as Actas do Congreso “Emigración e Educación (1900-1936)”, libro editado polo Instituto de Estudos Miñoranos, presentado hoxe no Consello da Cultura Galega.
"Un sorriso nas mans" é unha mostra fotográfica dos artistas Mónica Castuera e Txiki Dacosta que pódese visitar na Capitanía Marítima de Baiona, na Rúa Elduayen nº 20. A exposición estará aberta de martes a domingos no horario de 11 a 14 e de 18 a 22 horas.
O Centro Cultural O Torreiro de Priegue celebra mañá sábado 2 de xullo o Día da Muñeira. La actividade comezará ás 19:30 hora e contará coa actuación dos grupos folclóricos "Barca de Loimil", de Arbo, "A Fiada", de Santa María de Oia e o C.R.C. "O Torreiro" de Pruiegue.
Hoxe na tardiña e ata mañá sábado terá lugar o festival Sons da Lameira en Matamá (Vigo). A actividade cultural comeza o venres 1 de xullo ás 22 horas co "Matamafolc", no que participarán os grupos Os Irmandiños de Vincios, Os Terribles de Donas, A Requinta da Laxeira, e Cé Orquestra Pantasma. O Sábado 2 de xullo, dende as 20 horas terá lugar o "Malaherbarock", no escenario Malaherba. Participarán Skunk D.F. , Ruxe Ruxe, Medomeda, Os Podridos; e no escenario "Xuventude": Deggo, Essenzia, R.I.F. e Paniko en las calles.
"Petroglifos" a serie de fotografías do equipo das Xeiras e a Sección Arqueolóxica do Instituto Estudos Miñoranos, "Sitio adecuado, momento xusto" (Tito) , "Desertización"(AFOGRA) e mais "Músicas de Foto" (Xacobe Casal) abrirán mañá o II Encontro de Fotografía Dixital Domingo Pío Quintas Núñez, na vila de Gondomar. As series de imaxes serán proxectadas sobre o edificio da Praza de Abastos de Gondomar , o parque da Colleira, , a praza do Centro de Saúde e mais o parque das Ánimas, dende ás 22 horas ata ben entrada a noite para que tódalas persoas que se acheguen pola vila teñan a posibilidade de percorrer estes catro espazos.
O Concello de Nigrán fixo unha convocatoria para un proceso selectivo para a provisión por oposición libre, dunha praza de enxeñeiro da subescala técnica de Administración Especial. O prazo para a presentación de solicitudes será de 
O vindeiro venres 1 de xullo a partir das 22 horas comezas as exhibicións ao aire libre da mostra fotográfica do II Encontro de Fotografía Dixital Domingo Pío Quintas Núñez por diversos espazos e edificios da vila de Gondomar. O evento, organizado pola Concellería de Cultura de Gondomar e apoiado polo Instituto de Estudos Miñoranos, constará da proxeccións de 16 series fotográficas sobre a superficie do edificio da Praza de Abastos, no Centro de Saúde e os parques da Colleira e das Ánimas.
