- A II Travesía a nado Costa Serena celebrarase integramente nas augas de Nigrán.
- Praia América tamén acolle o VI Campionato de Rugby Praia Concello de Nigrán 2011.
- As festas en honra a San Fix completan a axenda cultural e deportiva deste fin de semana.
O vindeiro luns 1 de agosto Nigrán acolle as Festas de San Fiz 2011, unha popular celebración que inclúe pasarrúas e actuacións musicais. A Banda de Música Cultural Vilanova de Arousa dará o pistoletazo de saída á festa, cuns pasarrúas que sairá ás 11.00 horas da Casa Consistorial rumbo ao recinto de festas de Ceán, onde ofrecerá a todos os asistentes un concerto. Ás 12.00 horas celebrarase a misa solemne en honra a San Fiz, na igrexa co mesmo nome sita na parroquia de Nigrán.
O equipo de arqueólogos e das xeiras do Instituto de Estudos Miñoranos trasladaranse este venres 29 de xullo ao concello de Cotobade, onde guiarán unha percorrida pola arte rupestre de Fentáns, paraxe situada na parroquia de San Xurxo de Sacos. O punto de encontro será ás 21:30 na Casa da Cultura de San Xurxo de Sacos onde o especialista Xosé Lois Vilar (IEM) dirixirá un coloquio sobre "Escenas de caza na arte rupestre galega". Posteriormente o equipo de xeiras trasladará aos visitantes ata os lugares de observación. O evento é totalmente gratuíto.
A Asociación Veciñal Dunas de Nigrán, organiza en colaboración con Barafunda Animación e do Concello de Nigrán, o festival multicultural das artes escénicas "Dunas". A actividade terá lugar mañá venres 29 xullo, entre as 20.00 e as 22.30 no recinto do Torreiro da igrexa das Angustias, espazo cedido gratuitamente pola Asociación Cultural das Angustias, Nigrán.
Este xoves 28 de xullo a partir das 22:30 no Campo das redes (Panxón) actuará o polifacético artista Antonio Ageitos Ares, máis coñecido como Tonhito de Poi (Castiñeiras, Ribeira,1969). Tonhito de Poi interpretará un monólogo musicado. O espectáculo enmárcase dentro das actividades polo Concello de Nigrán co programa Camiños da Cultura da Xunta de Galicia . A entrada é gratuíta. 
EL JARDIN DE LILI estará este xoves 28 de xullo ás 0:30 no pub Ázzaro da Ramallosa. O grupo vigués, interpretará un repertorio de cancións do pop - rock dos 70 e os 80.
A asociación Espazo Lectura deu a coñecer os títulos das obras que abrirán a nova tempada dos clubes de lectores no vindeiro mes de outubro. O club Sete Vidas comezará as súas actividades co libro autobiográfico da escritora Xulia Alonso (A Rúa, 1961) Futuro imperfecto (Galaxia , 2011). O fillo da furia, a novela gráfica de Manolo López Poy e Miguel Fernández (Demo Editorial, 2010) ocupará a primeira sesión do Club Lectura Debuxadas e para os máis pequenos do club de lectura compartida Lendo Contigo: Golfiño e os invasores, con guión e debuxos de Fausto Isorna (El Patito Editorial, 2011). 
A Deputación de Pontevedra e Microbank-La Caixa asinaron un convenio para ofrecer microcréditos por un importe máximo de 25.000 euros a emprendedores da provincia. Destinarase en total un millón de euros para financiar proxectos de autoemprego a pequenos empresarios, que -salvo se o titular é persoa xurídica-- non terán que achegar ningún aval, senón contar cun proxecto viable para a súa iniciativa.
O vindeiro mércores 27 de xuño, o Instituto de Estudos Miñoranos en colaboración con "O Sorriso de Daniel" organiza unha visita guiada polos puntos máis interesantes do Románico do Val Miñor. Por razóns de comodidade esta Xeira contará cun autobús, para o que será preciso anotarse previamente no teléfono, 986360575, en horario de 18,00-22,00, ou por correo electrónico ( Este enderezo de correo-e está a ser protexido de robots spamers, precisas activar o JavaScript para velo ), ata o martes 26 de xullo. O prezo deste bus é de 5 €.
JPAGE_CURRENT_OF_TOTAL
Non é publica. Esta é a útlima versión feita pública antes da súa aprobación inicial. Dende ese punto non hai[…]
Qué version buscas?