O Xornal do Val Miñor. Baiona, Nigrán, Gondomar

A partir deste martes a parroquia de Camos vístese de festa ata o próximo 26 de agosto, cos festexos en honor a San Roque. Actividades relixiosas, culturais e musicais estarán presentes este ano, que se completan coa organización de "cucañas" e un poxa de artigos cedidos polos veciños e veciñas da parroquia o último día.

O concello de Nigrán ofrece mañá martes 23 de agosto propostas para todo o día. A praza da Constitución (alcadía)  albergará unha feira de artesanía e de produtos da terra da Fundación Menela Castro Navas pola mañá, así como algunhas mostras de tallas en madeira dun artista local.  Pola noite farase a última proxección do verán do cine ao aire libre, posto en marcha pola concellaría de Turismo, Cultura e Deportes. A película, "Adele e o misterio da momia", visualizarase mañá a partir das 22.30 horas en Campo dás redes.

A conservación, estudo e posta en valor do patrimonio cultural do monte comunal da parroquia de Couso (Gondomar) foi obxecto dun convenio marco celebrado entre o Instituto de Estudos Miñoranos e a Comunidade de Montes de Couso. Xosé Antón Araúxo Rodríguez (CMC) e Carlos Méixome (IEM) anunciaron a planificación e organización de visitas guiadas e outras actividades a prol da divulgación do patrimonio arqueolóxico, construído, natural e inmaterial que agocha esta zona do Val Miñor.

O colectivo Berra organiza para este venres 19 de agosto, primer día de festa das Angustias, un cartel novidoso e inusual para as festas das comarcas. As orquestas fan un descanso nesta noite para dar paso a Sacha na Horta, Dakidarría, Segismundo Toxicómano e Skakeo.

A concellaría de Turismo, Cultura e Deportes do Concello de Nigrán ofrece para este fin de semana de agosto unha alternativa chea de diversión coa primeira edición do festival Novo Circo. O festival circense celebrarase os días 19, 20 e 21 de agosto na contorna do Porto de Panxón a partir das 20.30 horas cada un dos días, coas actuacións de Juanín, Jano e Roi Borrallas, respectivamente. Ademais, o sábado pola noite Isla Letrisca presentará a Gran Gala de Circo, que terá lugar no escenario de Campo das redes a partir das 23.00 horas.

Baiona celebrará o tradicional Día do Turista este xoves 18 de agosto, cunha gran carteleira de actividades e espectáculos que rematará cun recital da cantante Lucía Pérez, representante española na recente edición de Eurovisión. Os actos programados desde a Concellería de Turismo municipal contará con xogos gratuítos para nenos ao longo do día, paseos e visitas guiadas, saídas en barco, actividades deportivas, e unha gran queimada para pechar á festa. As actividades contarán co apoio do persoal que estará instalado na Oficina de Turismo (no Paseo Ribeira). A actuación de Lucía Pereira está prevista para as 23 horas.

O arquitecto galego Antonio Palacios (Porriño, 1874 – Madrid, 1945) deixou a súa xenial pegada na historia da arquitectura peninsular. Responsable de boa parte da transformación de Madrid nunha cidade moderna e cosmopolita, tamén amosou a su creatividade en terras miñoranas en dúas obras magníficas: A Virxe da Rocha en Baiona e no Templo Volitivo do Mar en Panxón (Nigrán). O Instituto de Estudos Miñoranos realizará unha visita guiada pola contorna do que se chamou Praia Lourido, e hoxe é Praia América, coa intención de apreciar a obra de Palacios.