Mercado Solidario reunirá en Tui aos representantes das súas seis asociacións e a responsables das empresas colaboradoras de Ascensores Enor, A Rosaleira, Hidromiño e Talaso Atlántico.Este acto inaugura unha nova etapa de Mercado Solidario, ao contar por primeira vez con financiamento privado, permitindo a optimización dos seus recursos e unha maior cobertura na dotación de apoios a persoas con discapacidade, coa mellora da calidade de vida e normalización deste colectivo.

A Secretaría Xeral da Emigración ven de realizar o sorteo das prazas que corresponden a fillos e netos de emigrantes galegos no exterior nos Campamentos de Verán que organiza a Dirección Xeral da Xuventude. A listaxe completa pode consultarse no portal web da Secretaría, www.galiciaaberta.com

Esta mañá, martes día 10, presentouse no Colexio infantil de Barciela, Vilaboa, o libro: OS BOLECHAS QUEREN SABER COMO SON OS CETÁCEOS DA NOSA COSTA, realizado polo ilustrador Pepe Carreiro. O traballo foi exposto mediante un audiovisual polo responsable das accións de educación ambiental en Galicia do proxecto LIFE+INDEMARES (http://www.indemares.es/) e presidente de CEMMA, o biólogo Alfredo López. Os nenos e nenas participantes da actividades gustaron da historia e das personaxes e durante as preguntas fixeron especial mención ao arroaz Gaspar, que moitos deles coñeceron persoalmente. No centro quedou unha colección de libros e carteis editados no ámbito do proxecto, para uso nas actividades docentes.

A Concellería de Xuventude e Voluntariado de Nigrán organiza un curso de "Ocio e tempo libre na enfermidade mental" dirixido a tódalas persoas con formación sociosanitaria que estean interesadas en programas de apoio á rehabilitación psicosocial de persoas afectadas por trastorno mental. Neste curso se abordarán aspectos básicos da enfermidade mental, da ergoterapia e outras actividades terapéuticas a traballar dentro de programas de ocio e tempo libre.