Entre rifas, música, tapas, bailes, humor e moita ledicia máis dun centenar de persoas gozaron dunha tarde - noite de lecer e solidariedade no Centro Cultural de Vincios. Alí transcorreu o sábado pasado a cea benéfica para recadar fondos có fin de facer posible como tódolos anos a chegada dos nenos dos campos de refuxiados da República Saharauí ao Val Miñor. Veciños, empresas e artistas xuntaron esforzos para que unha vez máis a campaña "Vacacións en Paz" organizada pola Asociación Solidariedade Galega co Pobo Saharauí, poida concretarse na bisbarra. Co acadado no evento e máis o tesón das familias acolledoras destes nenos e nenas o obxectivo está máis cerca.

O deporte celebrará  unha nova xornada solidaria coa “1ª Carreira da Auga. Praia América. Gotas para Níxer” , que percorrerá  un circuíto polas rúas de Praia América ata A Ramallosa o próximo 24 de abril ás 11 de mañá. A un custe de 2 euros por persoa poderán inscribirse todos aqueles que desexen participar sen necesidade de estar federados. O total do recadado será entregado a UNICEF para os seu proxecto de potabilización de auga no Níxer. O evento está organizado por a propia UNICEF, A Sociedade Atlética Val Miñor e o Concello de Nigrán, e conta co apoio de importantes empresas do Val Miñor.

O pasado mes de febreiro  a Asociación de Comerciantes  Hostaleiros e Empresarios de Gondomar ACHEGO puxo en marcha un boletín dixital  “Achégate e navega canda nós“. Este foi o lema elixido para o lanzamento do boletín  a través do cal os clientes poden recibir información das diferentes promocións e campañas do comercio local. A primeira campaña de publicidade online a través do novo boletín dixital  foi a do día do pai , para animar a participar nesta nova actividade   dinamizadora do comercio local e premiar a fidelidade dos seus clientes ACHEGO sorteou 5 rutas en barco polas Rías Baixas . O sorteo tivo lugar o pasado 23 de Marzo no Café Rañolas , no cal resultaron premiados os seguintes clientes:

Como tódolos anos un grupo de familias do Val Miñor prepara a chegada dun continxente de nenos saharauís de cara ao verán. Unha experiencia valiosa tanto para os eles como para os nenos do Val Miñor que terán a posibilidade de compartir xogos e actividades ao longo da varias semanas. Unha empresa solidaria que permite eludir os mais de 50 graos do verán do Sáhara, ter a posibilidade dunha revisión médica por parte do SERGAS, e afastar por uns días aos rapaces da difícil situación pola que atravesan os campamentos de refuxiados. Pero a crise pon obstáculos financeiros que a puxanza destas familias e mais o apoio solidario da Asociación de Veciños de Vincios queren vencer. Para facer posible estas “Vacacións en Paz” a Asociación Solidariedade Galega co Pobo Saharauí e mais a A.VV de Veciños Galiñeiro de Vincios (Gondomar) organizan unha cea con espectáculo o vindeiro 9 de abril a partir das 20h só a 15€ por persoa.