Sociedade
O alcalde de Nigrán, Alberto Valverde, e a concelleira de Turismo, Cultura e Deportes, Liliana Silva recibiron hoxe no Concello de Nigrán a moza Mireya Represa, campioa española infantil de xadrez. Esta estratega de tan só 10 anos obtivo recentemente o título de campioa de España de Xadrez na categoría infantil. Este non é o primeiro título que obtén Mireya, xa que o pasado ano resultou campioa a nivel nacional de benxamins, daquela con tres anos de práctica do xadrez ás súas costas.
O Concello de Nigrán acolleu hoxe a presentación do Raid Internacional Rías Baixas de catamaráns a vela e raceboard 2011, que terá lugar entre o 15 e o 17 de xullo. Tras arribar durante estes anos en todos os areais do litoral do sur de Galicia, o Concello de Nigrán toma un especial protagonismo ao albergar a Estación Náutica de Praia América, a Base Loxística da organización deste VIII RAID, a mesma localización que a utilizada en 2008 cando Nigrán foi epicentro do Campionato do Mundo de Catamaráns a Vela.
Dous corredores do club de Nigrán Monteferro Bike Club foron convocados ao campionato de España de BTT 2011, que se celebrará o próximo fin de semana. Os corredores de Monteferro Bike Club Eva Álvarez e Guillermo Herranz defenderán as cores da selección galega. Eva Álvarez, que parte con grandes aspiracións de medalla, competirá na categoría cadete na proba que se disputará este sábado en Caspe (Aragón), mentres que o junior Guillermo Herranz farao o domingo en Becerril de la Sierra (Madrid). 
A concellaría de Actividades Marítimas do Concello de Baiona anuncia a realización da Regata de Gamelas 2011 os vindeiros 6 e 7 de agosto. Por outra banda, informa que estes días realizarase o envío de cartas personalizadas a todos os participantes en edicións anteriores de face a presentarlles está nova edición da regata.
O Concello de Nigrán abre o prazo de inscrición do I Torneo de Tenis Praia Trofeo Concello de Nigrán Talesport, que se celebrará os próximos días 16 e 17 de xullo na Praia de Panxón. O torneo organizarase en dúas categorías, de 12 a 16 anos e de máis de 16 anos, e os partidos xogaranse por parellas. As inscricións estarán abertas ata o vindeiro venres 15 de xullo, na Oficina de Turismo Dunas de Gaifar, en Panxón. Os partidos comezarán o sábado 16 de xullo ás once da mañá.JPAGE_CURRENT_OF_TOTAL
Non é publica. Esta é a útlima versión feita pública antes da súa aprobación inicial. Dende ese punto non hai[…]
Qué version buscas?