A Concellería de Igualdade de Gondomar a través do Centro de Información á Muller (CIM) ofrece de xeito gratuíto un obradoiro chamado “CONTO CONTIGO”. Trátase dun proxecto de carácter co-educativo dirixido a nenos e nenas con idades comprendidas entre os 6 e 10 anos do concello de Gondomar, e coa implicación e colaboración das nais, pais, avós, avoas…no que se ofrece unha ferramenta para favorecer a socialización de nenos e nenas en valores igualitarios.

Están abertas as inscricións para persoas interesadas en concorrer á XI edición da Feira Internacional de Turismo Termal de Ourense (Termatalia). A saída está programada para o vindeiro 24 de setembro, cun custo de 10€, e inclúe autobús, comida, visita turística de Ourense e máis a entrada e visita guiada pola feira. As prazas son limitadas e o prazo de inscrición remata o próximo mércores 21.

O Concello de Gondomar, a través da Concellería de Benestar Social, abre o prazo para inscribirse nos cursos de “Estimulación da Memoria” e “Ximnasia de Mantemento" destinado a persoas maiores do Municipio.

A concellaría de Comercio e Emprego de Nigrán abre o próximo luns 12 de setembro o prazo de inscrición para o curso avanzado de Office, que terá lugar os días luns, mércores e venres de 17.00 a 20.00 horas dende o 26 de setembro ata o 4 de novembro no Centro Antena (Panxón). As inscricións, gratuítas, realizaranse no Centro de Antena.