- O evento terá lugar o próximo 13 de novembro co Pavillón de Deportes de Panxón como punto de partida.

- A marcha, organizada pola Peña Ciclista Val Miñor en colaboración co Concello de Nigrán, está dirixida a todos os ciclistas maiores de 16 anos con licenza federativa.

Gondomar acollerá os obradoiros Xuventude en Acción e de Voluntariado Europeo dirixidos a mozas e mozos entre 16 e 30 anos, empadroados no municipio. O primeiro terá lugar o vindeiro martes 25 de outubro, e o segundo o 2 de novembro. Ambos os dous ten por obxectivo informar a mocidade dos contidos destes programas orientados ao fomento da mobilidade e intercambio cultural con rapaces doutras nacionalidades.

A Concellería de Patrimonio, Igualdade e Xuventude a través do Centro de Información ás Mulleres, organiza un curso de defensa persoal destinado á mulleres que comezará o vindeiro 3 de novembro. As persoas interesadas poden dirixirse ao Centro de Información ás Mulleres (antiga estación do tranvía de Panxón ) teléfono 986383081 E-mail: Este enderezo de correo-e está a ser protexido de robots spamers, precisas activar o JavaScript para velo .

Durante os meses de outubro e novembro os alumnos de 3º e 4º da ESO dos Institutos PROVAL e Val Miñor participarán dun programa de obradoiros que terán por obxectivo as relacións afectivo – sexuais. . Entre os temas a tratar se traballará sobre: “Qué é a sexualidade?”, “Desmitificación da sexualidade”, “Que é o amor?”e “Mitos sobre o amor e relacións de bo trato”. A iniciativa ten por obxectivo “achegar ao alumnado unha visión da sexualidade como algo integral e promover relacións afectivo-sexuais baseadas no respecto dende o principio de igualdade entre mulleres e homes”, segundo informan dende a Concellaría de Igualdade, Xuventude e Patrimonio e o Centro de Información ás Mulleres (CIM) do Concello de Nigrán, organizadores do programa.