O vino-hotel 7Uvas ubicado en Nigrán prepara hoxe de madrugada unha velada solidaria moi especial.
A partir da 1 da mañá, e coincidindo coa celebración do fin de ano, este hotel destinará o 50% da súa recadación a Cáritas Vigo, nun momento de especial necesidade e emerxencia social.
Un xeito solidario de comezar o ano.

-O 061 pide a colaboración da cidadanía e solicita precaución ao volante ante os desprazamentos durante a celebración do fin de ano

-As lesións producidas polos accidentes de tráfico constitúen a primeira causa de mortalidade prematura entre a poboación galega

-Nas festividades do ano pasado, que foi do 31 de decembro ata o 2 de xaneiro Urxencias Sanitarias de Galicia atendeu 48 accidentes de tráfico

As avoas e avós dos alumnos do CEIP de Mallón non esperaban tamaña sorpresa. Dende a semana pasada sabían cas 11:30 desta mañá os netos esperábanos no cole. Con moita ilusión, os pequenos levaban varias semanas preparando unha exposición con fotografías familiares, elixindo e ensaiando a lectura de poemas e textos para agasallar a aqueles que día a día les dan o seu cariño entre apertas e rulas.

A Concellería de Patrimonio, Igualdade e Xuventude pechou hoxe un curso sobre defensa persoal, organizado polo Centro de Información ás Mulleres de Nigrán. O curso, que comezou o pasado 3 de novembro, contou coa participación de máis de vinte mulleres, puideron aprender de forma gratuíta técnicas e movementos para defenderse no caso de ameaza ou ataque de terceiros. A concelleira María José Pino cualificou esta edición do curso como "todo un éxito", e espera poder coordinar unha nova para principios do 2012.