Un día de excursión, con sorteos, obsequios, paseos e moita ledicia por só 10 € , non está mal. Se a isto agregamos que cubría o transporte en autobús ata Ourense, as visitas turísticas e a comida, moito mellor. E se non preguntarlle aos máis de 150 veciños de Nigrán e Gondomar que acolleron a invitación de Expourense para asisitir á XI edición de Termatalia-Feira Internacional de Turismo Termal de Ourense o pasado sábado 24 de setembro. A andaina levounos polos paseos termarais de Chavasqueiras, As Burgas, e Outariz, tamén a percorrida incluía a cidade de Ourense, onde visitaron a zona do Mercado, a Alameda e a Catedral de San Martiño. A organización dos autobuses estivo a cargo do persoal das oficinas de turismo dos concellos de Gondomar e Nigrán, os que identificaron con cintas da campaña “Faite Ver” aos de Gondomar e con panos verdes no caso de Nigrán. Ademais contaron coa guía de técnicos locais de turismo unha vez chegados a Ourense.

O Instituto Galego de Estatística (IGE) convoca en réxime de concorrencia competitiva unha bolsa de formación na área de estatística pública, con unha duración de 6 meses. A bolsa está destinada a unha persoa con grao o titulación equivalente en matemáticas (con orientación curricular en estatística e investigación operativa) ou en economía, así como ter rematados os estudos a xaneiro de 2008. O candidato deberá estar en posesión do Celga 4 ou curso de perfeccionamento de galego. O importe da bolsa será de 900€.

O Concello de Baiona pon en marcha unha serie de cursos on-line dirixidos a veciñanza. As disciplinas que se ofertan son seis: Creación de páxinas web, inglés inicial, inglés intermedio, inglés avanzado, Office 2007, Windows Vista. Para acceder ós mesmos é preciso, estar empadroado no municipio con data anterior a esta convocatoria e ter cumprido 16 anos no momento de presentar a solicitude. Soamente pódese solicitar a participación nun curso, xa que so se ofertan 40 prazas.