"Que acontece co fantástico e o grotesco, co terror e a anticipación, co abraiante e o estarrecedor?" A literatura galega "está a mudar", afirman Fernando Cimadevila e Tomás González, dous novos editores convencidos de que os xéneros emerxentes deben medrar para que a oferta editorial do país non perda poder de sedución ante os lectores. Para iso crearon Contos Estraños, unha editorial que ten por primeira obra un libro de igual título onde unha ducia de escritores dos mal chamados "xéneros menores", aportaron contos, dous esbozos de novela e unha tradución ao galego dun escritor clásico da literatura pulp, Robert Herwin Howard.

A vindeira semana Gondomar será un libro. Un texto amplo e multicolor que mudará cada praza, regato, camiño e rúa nunha gran biblioteca onde poderán gozar da maxia da lectura compartida tódolos veciños e visitantes que se acheguen á Semana do Libro e a Lectura que por quinto ano consecutivo a Asociación Espazo Lectura organizará co apoio do Concello de Gondomar. Con motivo do Día do Libro, entre o martes 17 e o luns 23 de abril unha morea de escritores, músicos e artistas de tódolos xéneros animarán esta festa da cultura que terá por principais protagonistas aos propios lectores.

-O prazo de recepción de orixinais, que dará comezo a próxima semana trala súa publicación no DOG, estenderase ata o día 11 de xuño

-Os galardóns contan cunha dotación económica total de 24.000 euros

Cunha estética baseada no mundo do xornalismo, Vellas Novas, o novo álbum de Quempallou contén composicións propias e tradicionais cargado de matices sonoros e cunha gran dose de influencias musicais, que chegan desde a experiencia dun grupo que leva máis de doce anos en escena. Na web do grupo pódense escoitar xa os temas Na Habana e Foliada do viño.