Gondomar será unha vez máis escenario da presentación dunha nova obra literaria galega. Neste caso trátase de Vigo a 80 revolucións por minuto (Edicións Xerais, 2011), do escritor Emilio Alonso. O acto terá lugar o vindeiro venres 24 na libraría Libraida (Rúa Rosalía de Castro, nº13)ás 20.30 horas.

Este venres, 17 de febreiro, TERTULIA do Instituto de Estudos Miñoranos coa catedrática de Historia Moderna da Universidade de Santiago, Ofelia Rey Castelao, recentemente distinguida co premio María Josefa Wonenburger 2011, que concede a Unidade Muller e Ciencia de Galicia. O faladoiro terá por título "Galicia, país sen santas: Monxas e beatas na Idade Moderna". A profesora Ofelia Rey Castelao será presentada por Xosé Lois Vilar, historiador e arqueólogo, membro da Xunta de Goberno do IEM.

A concellaría de Patrimonio do Concello de Nigrán prepara a elaboración dun vídeo homenaxe con fotografías antigas. Dende o concello fan un chamamento aos veciños para que acheguen imaxes anteigas dos colexios do municipio. Os interesados en aportar as imaxes poden acudir ao Centro de Información á Muller (antiga estación de tranvía de Panxón) e entregalas alí.

Os descoñecidos valedores do Val Miñor. Quizáis ese pododería ser o título do libro que recollese e recoñecese a labor desinteresada de moitos dos nosos veciños e veciñas da bisbarra que dende fai moitos anos levan o nome do Val Miñor alén de ultramar. Un traballo moitas veces non recoñecido e descoñecido polos seus propios conveciños, e sobre todo polas propias administracións ou organizmos oficiais que deberían recoñecer dalgún xeito o traballo destes auténticos "valedores do Val Miñor".