A vindeira semana Gondomar será un libro. Un texto amplo e multicolor que mudará cada praza, regato, camiño e rúa nunha gran biblioteca onde poderán gozar da maxia da lectura compartida tódolos veciños e visitantes que se acheguen á Semana do Libro e a Lectura que por quinto ano consecutivo a Asociación Espazo Lectura organizará co apoio do Concello de Gondomar. Con motivo do Día do Libro, entre o martes 17 e o luns 23 de abril unha morea de escritores, músicos e artistas de tódolos xéneros animarán esta festa da cultura que terá por principais protagonistas aos propios lectores.
O acto central será o domingo 22 de abril, cando está convocada para as 12:00 horas unha Sentada Lectora para celebrar o Día do Libro. Ese día está convocada a cidadanía para que se achegue á Alameda de Gondomar e sente cun libro na man, nunha reivindicación cívica da lectura que tamén incluirá actuacións musicais e a lectura dun manifesto a cargo da actriz e escritora Paula Carballeira e da xornalista Araceli Gonda.
Ademais, durante a semana desenvólvese unha programación especial de actividades diarias:
-Martes 17 ás 20:00h (Biblioteca Municipal Gondomar)
CLUB LECTURAS DEBUXADAS
Contarase coa presenza do autor, BRAIS RODRÍGUEZ
-Mércores 18 ás 18:30h (Casa da Lectura, Donas, Gondomar)
Sesión especial: BEA CAMPOS
Espectáculo: CANTARELA, CONTOS E CANTOS PARA NENOS E NENAS
-Xoves 19 ás 18:00h (Biblioteca Municipal Gondomar)
OBRADOIRO DE ILUSTRACIÓN impartido por KIKO DA SILVA
Para nenos e nenas de 6 a 12 anos
Haberá un límite de 30 prazas
Inscricións: teléfono 619292991
correo-e: Este enderezo de correo-e está a ser protexido de robots spamers, precisas activar o JavaScript para velo
-Venres 20 de 20:00h a 22:30h (Café Keik, Parque das Ánimas, Gondomar)
V DAR DE LER COMA QUEN DÁ DE BEBER
Lecturas compartidas en voz alta
-Sábado 21 ás 12:00h (Biblioteca Municipal Gondomar)
CLUB DE LECTURA COMPARTIDA LENDO CONTIGO (para familias con nenos/as de máis de 7 anos)
Libro proposto: CARTA URXENTE PARA MÁXIMO TOXO
Contarase coa presenza do autor, DIEGO REY
-Sábado 21 ás 18:00h (Auditorio Municipal Lois Tobío, Gondomar)
Representación teatral de CARTA URXENTE PARA MÁXIMO TOXO, a cargo de TALÍA TEATRO
Organiza: Concellería de Cultura
-Sábado 21 ás 22:30h (Casa da Lectura, Donas)
NOITES GOLFAS. Para público adulto
O LEO I ARREMECÁGHONA: concerto baseado no poemario HAI CU (Xerais)
-Luns 23 ás 18:00h (Biblioteca Municipal Gondomar)
CONTOMAR. Sesión especial. TÍTERES TRES GLOBOS: Pedro e o lobo
