O próximo domingo 24 de maio de 17:00 a 20:30, no Mercado de Abastos de Sabarís (Baiona), terá lugar un evento organizado polo colectivo Encaixamos Val Miñor, ca fin de recaudar fondos para apoiar á deportista Desirée Vila na súa campanha: "Da el paso... Únete". Haberá umha merenda solidaria, sorteos e actuación musical de Roberto Caco. A actividade conta co apoio do Concello de Baiona, veciños e comerciantes de Sabarís.

Veciños de Baíña conmemorarán o Día das Letras cun espectáculo de danza e música no centro cultural da parroquia. O espectáculo dará este domingo ás 18 horas e contará coa actuación do grupo de danza de Hio "Soavela", os gaiteiro Viruxe de Outono da asociación San Andrés do Hio e o grupo A Bagunda "folk autóctono republicano"

O ciclo propón unha introdución ó mundo da cata, ademais de xogos sensitivos e temas relacionados con esta a cargo dos técnicos en vitivinicultura Juan Chamorro e Noelia Pérez. As catas serán a cegas, co obxectivo de chegar a diferenciar os viños galegos entre si e tamén cos de fóra. Serán viños tintos e brancos.

A cata centrarase nos procesos de elaboración máis habituais en viños brancos e tintos e, tamén, nos traballos que son esenciais levar a cabo na viña para acadar un produto de calidade e optimizar unha plantación ó máximo.

As datas da cata son: 21 e 28 de maio, e 4 e 11 de xuño. A duración destas será de 1 hora e media aproximadamente.

A asociación de veciños Castroeladeira organiza este sábado 16 de maio unha actividade literaria e musical con motivo da conmemoración das letras galegas. Á partir das 19 horas, no mercado de Sabarís, escolares da zona recibirán os premios dun certame poético onde o veciño e escritor Adolfo Valverde Quintas, oficiará de xurado.