O vindeiro sábado 7 de febreiro a partir das 20 horas terá lugar un concerto solidario co programa Vacacións en Paz que coordina a ONG SOGAPS (Solidariedade galega co pobo saharauí). Baixo o lema "Música pola Paz" subirán a escena o Cuarteto de Saxos A.M. Vincios; a pianista Sara Gaviño; o cuarteto de cordas integrado por Gil, Mañá, Mariño e Carvalho; o Dúa Ameva; Unhamoza (voz solista), todos eles de Gondomar. Unirase ao evento o grupo de guitarras da A.S.C. Zamáns. O festival contará coa participación Noelia Otero, locutora da Cadena Ser.

Cándido Pazó porá en escena este venres en Baiona a súa adaptación teatral da obra de Xosé Neira Vilas, "Memorias dun neno labrego". Pola mañá nunha función para escolares de 5º e 6º dos colexios da bisbarra e pola noite, ás 21 horas para público en xeral. Ambas representacións terán lugar no Auditorio Municipal V Centenario de Baiona e con entrada gratuíta.

Desenvolverase ao longo de oito xoves (desde o 15 de Xaneiro ata o 4 de Marzo, de 16:00 a 19:00 horas) nos arredores do monte Aloia.

Gondomar prepárase para recibir dous acontecementos populares de gran tradición no concello, a cabalgata dos reis magos o luns 5 e o XXXIII Certame de Rondallas o día martes 6.