O grupo municipal do BNG non puido obter o apoio do resto da corporación municipal de Baiona para incluír a necesaria "profesionalidade e carácter público" de calquera das posibles solucións que se adopten en relación ao servizo de prevención e extinción de incendios. O pleno acordou finalmente solicitar a Mancomunidade do Val Miñor que esta solicite ás administración autonómica e provincial a realización dos trámites necesarios para dotar á bisbarra dun parque de Bombeiros, pero sen especificar as características do mesmo. A intención dos nacionalistas era que Baiona, actualmente na presidencia da mancomunidade, acordara con Nigrán e Gondomar unha posición común que no posible dera continuidade ao equipo de traballadores do Grupo Municipal de Intervención Rápida (GRUMIR) Val Miñor, considerado uns dos máis preparados de Galicia.
Os alumnos e alumnas do Obradoiro de Emprego, na especialidade de Promoción Turística e Información ao Visitante, participarán de forma activa na organización da Festa da Arribada. Durante a celebración reforzarán os puntos de información, instalados no museo flotante da Carabela, na Casa Carbajal e no punto de atención ao visitante instalado na Praza do Concello.
Once establecementos e servizos de Baiona, recibiron o día 22 de febreiro, os diplomas e distintivos ao Compromiso de Calidade Turística Sicted. Foron entregados polo Alcalde de Baiona, Jesús Vázquez Almuiña e polo Concelleiro de Turismo, Angel Rodal. Nesta ocasión os recoñecementos recaeron no Parador Nacional de Turismo Conde de Gondomar, Hotel Bahía Bayona, Hotel Pazo de Mendoza, Hotel Tres Carabelas, Hotel Anunciada, Casa Rural San Lourenzo, Cafetaría Cerchas, Celtióptica C.B., Estación de Servizo Monte Real, o taxista Juan José Fontenla Alfaya e a Policía Local de Baiona.
Máis de 200 postos hostaleiros, artesáns e gremiais agardarán a chegada dos visitantes na próxima Festa da Arribada a celebrarse en Baiona, nos próximos días 5 y 6 de marzo. A tradicional festa medieval conmemora a arribada da Carabela La Pinta o 1º de marzo de 1493 as costas de Baiona coa boa nova do encontro dunha nova ruta "as Indias".
