O BNG de Baiona presentou  a lista de cara ás eleccións de maio de 2011 nun acto no Auditorio Municipal V Centenario o sábado 9. Na apertura  fixo uso da palabra o histórico líder nacionalista Xosé Manuel Beiras Torrado para logo facelo o concelleiro Xosé Enrique Fernández candidato a alcalde do Bloque de Baiona.

O Bloque Nacionalista Galego presentará oficialmente a Xosé Enrique Fernández como candidato a alcalde de Baiona baixo o lema "Coa túa forza hai futuro" . O acto público terá lugar mañá sábado 9 de abril ás 20:30 horas no Auditorio Municipal V Centenario. Na parte oratoria intervirán Xosé Manuel Beiras Torrado en calidade de presidente da Fundación Galiza Sempre e pechará o candidato Xosé Enrique Fernández.

De gañar os socialistas en maio, cada concelleiro de goberno en Baiona terá ademais das responsabilidades da súa concellaría o encargo de atender unha parroquia do municipio. Nese senso a principal tarefa será a de coordinar cos veciños de cada barrio un presuposto de obras en base a unha partida orzamentaria que será destinada a tal fin. A idea nace da constatación de que cada vez son mais as persoas que viven fóra do casco urbano de Baiona e sen embargo a administración do popular Jesús Vázquez Almuíña "as deixou no abandono nestes últimos sete anos como si fosen o seu patio trasero" afirmou Isabel Domínguez Quintas, a candidata a alcaldesa polos socialistas.

O PSdeG-PSOE presenta as candidaturas para as vindeiras eleccións municipais do 22 de maio que se celebrará no Parador Conde de Gondomar de Baiona o sábado 2 de abril ás 19 horas. O acto contará cos discursos de Pablo García, Secretario de Organización do PSdeG-PSOE e militante de Unións Agrarias; María José Caride, Deputada socialista no Parlamento Galego e ex Conselleira de Política Territorial, Obras Públicas e Transportes; do Secretario Xeral da Agrupación Socialista de Baiona e candidato número dous, Arturo Pereira Pequeño que arrouparán á candidata á alcaldía de Baiona, Isabel Domínguez Quintas.