Isabel Domínguez Quintas estará ao fronte dos candidatos socialistas de Baiona no Parador Gondomar.
- Anterior
- 1 of 2
- Seguinte
O PSdeG-PSOE presenta as candidaturas para as vindeiras eleccións municipais do 22 de maio que se celebrará no Parador Conde de Gondomar de Baiona o sábado 2 de abril ás 19 horas. O acto contará cos discursos de Pablo García, Secretario de Organización do PSdeG-PSOE e militante de Unións Agrarias; María José Caride, Deputada socialista no Parlamento Galego e ex Conselleira de Política Territorial, Obras Públicas e Transportes; do Secretario Xeral da Agrupación Socialista de Baiona e candidato número dous, Arturo Pereira Pequeño que arrouparán á candidata á alcaldía de Baiona, Isabel Domínguez Quintas.
Por primeira vez o PSdeG-PSOE de Baiona presenta como candidata a unha muller, Isabel Domínguez. Á que fora concelleira en Baiona e Delegada da Consellería de Política Territorial, Obras Públicas e Transportes na provincia de Pontevedra, afronta agora esta responsabilidade de acceder á alcaldía de Baiona," apoiada por unha lista renovada, e de xuventude, que representa a todas as parroquias e ramos profesionais de Baiona" afirman dende dende o PSOE.
Co reto de "gobernar para todos os baioneses, acercando o concello ás parroquias e con ilusión, sen marcar obxectivos inalcanzables, deixando atrás esta situación de desgoberno como a que sofre a nosa vila" María Domínguez fará a súa primeira presentación en público na pre campaña.
