A Xunta de Galicia aprobou onte o Plan especial de protección do conxunto histórico artístico do Concello de Baiona. O importe achegado polo departamento que dirixe o conselleiro Agustín Hernández ao municipio elevouse a 90.000 euros. A Secretaría Xeral de Ordenación do Territorio e Urbanismo trasladou onte ao concello o documento de aprobación, certificando que o proxecto ten un expediente administrativo completo e con todos os informes favorables.

Dende o 24 de maio ao 2 de xuño, desenvólvese na praia da Ribeira a Campaña Escolar de Fomento dos Deportes Náuticos "Semana Azul 2011" para os alumnos de secundaria os días previstos son 24, 25,26 e 27 de Maio, e para os alumnos de primaria os días previstos son 31 de maio, 1 e 2 de xuño tendo para ambas as campañas a sede organizativa nas instalacións do MRCY de Baiona, que organiza un ano máis a Concellaría de Deportes e Actividades Marítimas do Concello de Baiona. Nesta nova campaña do 2011, participarán todos os colexios do Municipio: Covaterreña, Sabaris, Fontes, Belesar, 1º Marzo e o I.S.M. de Panxón en calidade de invitado, participando un total de cento corenta e catro alumnos repartidos entre primaría (84 prazas) e secundaría (60 prazas).

A alcaldable socialista por Baiona Isabel Domínguez manifestou o seu compromiso coa busca dunha solución a prol de obter de parte da Xunta de Galicia, unha exoneración total ao pago dos microchips identificatorios do cabalo ceibe galego. Dominguez afirmou manterse en contacto cos membros da asociación de propietarios de cabalos da Groba, aos efectos de xestionar dende o seu partido as necesidades que xurdan no senso de asegurar o mantemento desta tradición. Agregou que non se pode descoñecer a importancia que o cabalo ten na limpeza do monte, así como o valor turístico e cultural das rapas e curros.