Domingo, 15 Dec. 2019

Actualizado12:21:09 AM GMT

Estás en Nigrán

Nigran - Noticias de Nigrán e Val Miñor

UCN salienta o espírito de consenso co que traballa a nova corporación de #Nigrán.

Correo-e Imprimir PDF

A Unión Centrista de Nigrán (UCN), sinala que valora positivamente a celebración do pasado pleno de organización "non só como consecuencia do seu desenvolvemento, senón tamén polas propostas do goberno abertas e participativas na procura de acordos de consenso co resto das forzas políticas, en contraposición con formulacións do pasado, con propostas absolutistas e pechadas".

Chandebrito vai a polas promesas electorais do novo goberno municipal de #Nigrán.

Correo-e Imprimir PDF

chandebrito panel chan rotoHai case un ano, o martes 15 de xullo de 2014 veciños de Chandebrito descubrían consternados a deturpación de dous dos seus emblemas parroquiais. Os conxuntos de arte rupestre de Chans de Rapadouro e da Lapela foran obxecto de actos vandálicos que os desfiguraron para sempre. Por si fora pouco, os autores da brincadeira tamén a acometeron contra os valados e sinalización que constituían parte do espazo de recreo e interpretación etnográfico e arqueolóxico financiado pola Unión Europea e iniciado en 2005. Chandebrito 1807, foi o colectivo que saíu a denunciar ante as administracións competentes o que estaba a pasar. A desfeita segue impune e o silencio administrativo foi a resposta acadada por estes veciños tanto do Concello como da Xunta de Galicia.

Unha comisión honoraria velará polo cumprimento das reclamacións da veciñanza á alcaldía en #Nigrán.

Correo-e Imprimir PDF

Unha comisión honoraria encargarase de dar seguimento ás suxestións e reclamacións presentadas pola veciñanza ante a alcaldía de Nigrán. Así o resolveu por unanimidade o pleno de Nigrán tras proposta dos edís de N-Decide. Co nome Comisión Especial de Suxestións e Reclamacións, supervisará a actividade da administración municipal, e deberá dar conta ao Pleno, mediante un informe anual, das queixas presentadas e das deficiencias observadas no funcionamento dos servizos municipais, con especificación das suxestións ou recomendacións non admitidas pola administración municipal.

N-Decide reclama a urxente actualización do inventario de bens de #Nigrán trala polémica dos teléfonos.

Correo-e Imprimir PDF

jose cuevas eu

Ante a polémica xurdida entre o PSOE e o PP, en relación á ausencia de ordenadores portátiles no inicio deste mandato, NIGRÁN DECIDE  vai solicitar que comecen o antes posible os traballos para a actualización do inventario de bens e dereitos do Concello de Nigrán.

A solicitude feita pública nun comunicado refire a que o o actual alcalde socialista Juan González e o seu equipo aínda teñen que facer as comunicacións institucionais a través do seus teléfonos persoais. Segundo eles porque o anterior equipo de goberno liderado polo popular Alberto Valverde aínda non depositara os terminais e números dedicados a tal fin para o uso da corporación.

Ruben Rial: “A auga non é só para os que poden pagala”. Cae o sistema de duchas de pago en #Nigrán.

Correo-e Imprimir PDF

ducha canasA partir do vindeiro 1 de xullo as duchas instaladas nas praias de Nigrán serán gratuítas para os usuarios. Tras dous anos de instalado o servizo de pago por tarxeta para habilitar o seu uso, o novo goberno de Nigrán fixo contas e atopou deficitario o sistema. O mesmo require próximo a 30 mil euros anuais segundo datos da Intervención para mantemento e reparacións. Cifra que non compensa no económico o aforrado pola baixa, que admítese, existiu no consumo.

A maiores o novo responsable da área, o socialista Ruben Rial opina que tamén existe unha cuestión de principios: "A auga non é só para os que poden pagala". Manifesta o seu convencemento que a valoración deste recurso vital por parte dos cidadáns debe darse nun ámbito de educación e non impositivo pola vía económica. Sistema aplicado na anterior administración e que Rial cualificou de "clasista".

JPAGE_CURRENT_OF_TOTAL