O Concello de Nigrán adhírese a unha proposta de Facenda para rebaixar o imposto de bens inmobles do 0,60% ao 0,52%

A medida xa asinada polo alcalde suporá un aforro para os veciños e unha diminución nas arcas municipais de 192,631,74 euros a partir de 2016, segundo un comunicado muncipal

O goberno de Nigrán acordou a rebaixa en oito puntos do Imposto de Bens Inmobles (IBI) para o vindeiro exercicio do ano 2016. Así llo comunicou o propio rexedor Juan González á Dirección Xeral do Catastro o 27 de xullo de 2015 mediante a solicitude de aplicación aos valores catastrais de bens inmobles urbanos aos coeficientes que estableza ao efecto a Ley de Presupuestos Generales del Estado para o 2016. Esta rebaixa se adhire polo pronto á posibilidade ofrecida dende o propio Ministerio de Facenda.

Veciños da Rúa Rans anuncian que presentarán un escrito de denuncia ante o Concello de Nigrán. Sinalan estar fartos dos atrancos e a falla de seguridade para o tráfico e viandantes que están a provocar os traballos de humanización na estrada. Afirman que falta espazo para camiñar nas beirarrúas nos tramos ocupados por materiais da obra e a ferramentas espallada no chan. Reclaman a sinalización de vías alternativas para peóns nos lugares que deben baixar á estrada.

A Xunta de goberno do Concello de Nigrán aprobou esta semana a realización das obras de saneamento no Camiño do Rincho (no barrio de Ceán) e na rúa Salgueiral e o Camiño do Regueiro (Camos), de xeito que antes de fin de ano estarán rematadas e xa en funcionamento. Ademais, dentro do mesmo proxecto realizado dende a enxeñería municipal inclúese o abastecemento de auga para o Camiño do Monte, en Navás (Priegue). O Concello de Nigrán inviste nelas 86,000 euros (sen IVE) e cumpre así coa súa parte do convenio asinado en 2013 con Augas de Galiza e que foi anulado unilateralmente o 27 de xullo por parte da Xunta, organismo que se comprometera a levar o saneamento a parte de Parada e Camos.

O obxectivo da obra é a diminución de vertidos de augas pluviais derivadas da zona do parque tecnolóxico na canle do río.

O Concello de Nigrán solicita de Augas de Galicia a autorización de obras no lugar de Porto do Molle, parroquia de San Pedro da Ramallosa (Santa Baia). A tales efectos o Boletín da provincia desta xornada publica os detalles da obra (Expediente: DH.W36.49725) e sinala que o expediente ábrese a información pública por 20 días, segundo prescribe o Regulamento do dominio público hidráulico.