A Concellería de Vías e Obras de Nigrán iniciou obras co fin de preprar o futuro sanemaento do Camiño do Labrego, na zona d'O Outeiro. Á espera da sinatura plurianual do convenio con Augas de Galicia, serán preparados 170 metros de canalización que darán servizo a 8 vivendas da parroquia de Nigrán sobre Porto de Molle, segundo adiantou a Alcaldía.

A presidenta da Fundación Érguete-Integración, Carmen Avedaño, falará este venres 2 marzo ás 20.30 horas, na Asociación Veciñal de Panxón no marco dos actos organizados polo PSOE de Nigrán con motivo do Día Internacional da Muller. No encontro proxectarase a curtametraxe "Ni locas ni terroristas" (dirixida por Cecilia Barriga), sobre o grupo de nais e fillos vítimas da droga.

As infraestruturas de saneamento do CEIP Carlos Casares serán finalmente arranxadas. O colexio de Vilariño contará cunha axuda de 30 mil euros destinada pola Consellería de Educación da Xunta de Galicia a tal fin. A obra será supervisada pola alcaldía de Nigrán a través da Concellería de Educación, que foi quen fixo as xestións coa administración autonómica.

Os socialistas xustifican a súa abstención no último pleno municipal, no referente á votación do proxecto de construción dun Punto Limpo, ante a falta dos informes técnicos e económicos do proxecto.

Os socialistas apuntan a un novo incremento dos impostos municipais para sufragar esta nova infraestructura.

Attachments:

File
Documentación Punto Limpo Nigrán