O goberno municipal aprobou no pleno extraordinario celebrado este luns un recoñecemento extraxudicial de crédito de 200.000 euros para afrontar o pago das facturas pendentes a provedores, acumuladas durante os últimos catro anos. En relación ás facturas pendentes anteriores aos últimos catro anos, e de forma paralela ao recoñecemento extraxudicial de crédito, o goberno municipal exporá un expediente de prescrición para as facturas de maior antigüidade. A administración sinala que así aos provedores que se atopen con facturas nesta situación, poderán formular as alegacións pertinentes contra devandita prescrición.
Nigran - Noticias de Nigrán e Val Miñor
Nigrán pagará as débedas dos últimos catro anos e exporá un expediente de prescricións ás anteriores.
Traballadores de CESPA protestan polo despido dun compañeiro que estaba de baixa por enfermidade
Varios traballadores da empresa concesionaria do servizo de recollida de lixo e limpeza municipal CESPA, protagonizaron unha "sonada" protesta diante do consistorio para solicitar a readmisión dun compañeiro que foi despedido logo de incorporarse dunha baixa por enfermidade.
A CIG non descarta a convocatoria dunha folga no servizo de recollida de lixo en Nigrán se non se readmite a este traballador.
Os socialistas de Nigrán esixen á Xunta que medie no caso das participacións preferentes.
As declaracións de solidariedade cos afectados polo "curraliño" xerado polas participacións preferentes tamén ingresa no ámbito da polémica entre socialistas e populares. Mentres o mércores pasados o alcalde popular Alberto Valverde anunciaba que presentará ao pleno unha moción de cara a intermediar "ante as institucións competentes" na pescuda dunha solución para os veciños de Nigrán, o PSOE ingresou por rexistro o xoves unha moción para instar á Xunta de Galicia para que a través da Dirección Xeral de Comercio e Consumo exerza todas as accións en defensa dos afectados. " O Partido Socialista non ten a intención de presentar senón que ten presentada unha moción para incluír no pleno de este mes de marzo de 2012", asegurou o portavoz Juan González, en clara alusión á iniciativa do PP local.
Nais, pais e traballadores concéntranse diante da Galiña Azul de Nigrán para rexeitar a súa privatización
Un grupo de pais, nais e traballadores concentráronse onte diante da Galiña Azul de Nigrán, denunciando a intención de privatizar este centro educativo por parte do Consorcio Galego de Servizos. Os manifestantes aínda que nun principio barallaron a posibilidade de iniciar un peche nas instalacións, finalmente trasladaron máis tarde a protesta á casa consistorial.
Nigrán busca o apoio de Zona Franca para pagar o 10% da ampliación da ETAP de Condomínguez.
Zona Franca estuda a posibilidade de colaborar na inversión de máis de 120 mil euros que o Concello de Nigrán deberá desembolsar como parte da cota das obras de ampliación da ETAP de Condomínguez necesarias pola demanda da actividade de Porto do Molle. A intervención, valorada en 1,2 millóns de euros, será desenvolvida por Augas de Galicia, que adiantará o 90% do custe, pero que logo amortizarán os veciños do municipio a través dun aumento progresivo das tarifas da auga, ata amortizar o total da obra, nun prazo próximo aos 20 anos.
JPAGE_CURRENT_OF_TOTAL
