A rebaixa das taxas urbanísticas en Nigrán é cualificada como unha "hipocrisía" do PP por UCN-CDL.
O concelleiro Antonio Fernández Comesaña (UCN-CDL) volveu a cargar contra o alcalde Alberto Valverde e o PP aos que chamou hipócritas por aprobar "unha mínima redución do 15 e 20% -no último Pleno- na taxa e imposto de licenzas urbanísticas, mentres recoñece un brutal incremento por parte do PSOE-BNG no ano 2009". Tamén sinala ao goberno bipartito do PSOE -BNG de aplicar un incremento do 350% que penalizaba ás familias humildes.
O portavoz da formación centrista, abstívose na votación desta moción no último pleno, por entender que aínda que estaba a favor dunha redución dos tributos, sotiña que a mesma debía roldar entre o 50% e 80% para atender a realidade que viven as familias e o sector da construción no municipio.
Lembrou que a suba das taxas efectuouse durante o goberno do PSOE-BNG en 2009, e significou un "incremento brutal de máis dun 350%". O que entende, rematou castigando ás familias máis humildes. Nese senso, afirmou que dende o goberno de Efrén Juanes, se penaliza ás vivendas unifamiliares ata 150 m2, "coa valoración máis alta a razón de 1.183,52 €/m2".
Cos actuais prezos - sinala- "agora pasarán a pagar por unha licenza urbanística 3.200€, fronte aos 1.215€ que se estipulaba ata o 2009 (163% incremento), mentres chales de máis de 400 m2 de familias con máis poder adquisitivo, incompresiblemente redúcese a 990,84€/m2, cando en Vigo con máis coherencia aplican valores de 360,61 e 601,01€/m2 respectivamente, xusto o contrario".
Fernández Comesaña acusa ao rexedor de ter perdida unha boa oportunidade para cambiar esta realidade. Pola contraria, sostén que "o PP optou unha vez máis por aplicar unha política miope e de corto percorrido", ao negarse a apoiar a iniciativa da UCN-CDL.
" Non viría nada mal que de cando en vez copiasen a dirixentes do seu partido, como a ministra de Fomento que acaba de propoñer unha rebaixa do 70% nas tarifas do AVE, para conseguir encher os trens", concluíu.
Notas relacionadas
- 2012 - 23 - 08 - O Concello de Nigrán anuncia o saneamento das contas municipais e adianta axustes para os próximos meses.
- 2011 - 24 - 10 - O pleno de Nigrán aprobou cos votos negativos da oposición o reaxuste das taxas para o ano 2012.
- 2011 -22 - 10 - UCN-CDL únese ás críticas contra a subida de taxas e impostos presentada polo PP Nigrán.
- 2011 - 21 - 10 - Valverde acusa aos socialistas de falsear a orixe da suba dos impostos e taxas en Nigrán.
- 2011 - 19 - 10 O goberno de Nigrán prepara unha ampla suba de tasas municipais que inclúen un "catastrazo".
- 2010 - 23 - 12 - UCN votou o recoñecemento extraxudicial de crédito pero rexeita a actitude "incoherente" do PP.
- 2010 - 22 - 12 - Excluídas do pagamento as facturas xeradas por concelleiros nacionalistas e de UCN
- 2010 - 14 - 12 - O PPdeNigrán cualifica de "desesperadas" as declaracións vertidas por UCN, os non adsritos e o BN
- 2010 - 12 - 12 O orzamento municipal 2011 é o próximo obxectivo do pacto PP - PSOE en Nigrán.
- 2010 - 10 - 12 - Socialistas e populares xuntos no concello de Nigrán.
