Josué Villar - Mañufe, Politólogo e candidato á alcaldía de Gondomar pola formación Gondomar Concello Aberto, a coalición formada por Podemos, ANOVA, Esquerda Unida e persoas independentes.

"Dende que traballo en política perseguín como obxectivos a unidade da esquerda, a democracia participativa, e unha xestión responsable do público. Por iso considero que Gondomar Concello Aberto me representa. E fágoo porque neste momento da miña vida podo garantir o meu compromiso absoluto con este proxecto veciñal que, entendo, pode significar unha transformación profunda e irreversible da nosa vila. Aínda sendo novo sei que podo aportar a miña experiencia política desenvolta nestes últimos anos así como o coñecemento do funcionamento do Concello, xa que traballei nel, en prácticas, en 2014."

Julian Assange, fundador da WikiLeaks, manifestou que o Facebook é “a máquina de espionaxe máis horrorosa xamais inventada”. Agregou que os internautas deber ser conscientes de que cando achegan un amigo “están facendo un traballa gratis moi útil ás axencias de intelixencia dos EE.UU. Assange fixo esta advertencia nunha entrevista mantida con Rusia Today, días despois de que a rede Facebook nunha resolución unilateral dera a baixa ao sitio de WikiLeaks, con mais de 30.000 fans, alegando que promove “actos ilegais”.

Máis de corenta polígonos de mexillón permanecen hoxe pechados nas rías de Muros e Noia, Arousa, Baiona, Vigo e Pontevedra debido á presenza de toxinas lipofílicas nos moluscos, cuxa existencia se coñece como marea vermella, en niveis superiores aos establecidos.

Fontes da Consellería de Medio Rural informaron da situación das zonas de produción de mexillón, nos que diariamente o Instituto Tecnolóxico para o Control do Medio Mariño de Galicia (Intecmar) realiza analíticas que determinan a apertura ou peche dos mesmos. Nerbargante, aclararon que a presenza desta toxina é un fenómeno natural característico desta época do ano e subliñaron que non afecta o bivalvo, aínda que si poden ter efectos na saúde do consumidor.

O sector recibe información polo menos dúas veces ao día sobre estas analíticas e a súa repercusión nos polígonos, que o Intecmar fai pública na súa páxina web, onde figuran tamén os informes de estado de cada zona de produción.

Nestes momentos, segundo o Intecmar, permanecen pechados 17 polígonos na ría de Arousa -dúas en Ribeira, dúas na Pobra, seis en Cambados e sete no Grove-, trece na ría de Vigo -seis en Cangas, outros tantos en Redondela e un en Vigo-, oito na de Pontevedra -dúas en Cangas, tres en Bueu e tres en Portonovo-, catro na ría de Muros e Noia e un en Baiona.

Tan só once polígonos están hoxe abertos, dous na ría de Ares, oito na de Arousa e un en Corme e Laxe.