En menos dunha semana haberá un ámbito máis do sistema de saúde pública no que sexa obrigado pasar por caixa. O 1 de outubro entra en vigor a resolución do Ministerio de Sanidade que instaura o repagamento en corenta e dous fármacos para tratar enfermidades complexas e graves que só se dispensan nas farmacias hospitalarias aínda que os pacientes non estean ingresados. Trátase de medicamentos para tratar tumores de mama, ril ou cerebrais, para facerlle fronte á leucemia ou para tratar doenzas como a artrite reumatoide ou a hepatite. O Goberno central dispón que, de agora en diante, os doentes terán que poñer cartos para poder retiralos e a Xunta xa avanza que asume a medida dende o inicio.

O Bloque Nacionalista Galego en Baiona realizará un encontro aberto o vindeiro domingo , a partires das doce da mañá no local electoral sito na rúa Caixa de Aforros número 3, no que presentará a súa candidatura para as eleccións municipais de maio.

O alcalde de Gondomar, Paco Ferreira, presentou oficialmente á concelleira Iría Lamas, responsable de Infraestruturas e Servizos Básicos no actual goberno. O fixo ante o persoal do departamento con quen mantivo tamén un intercambio a prol de informar dos plans e orientacións que guiarán ao novo goberno neste eido municipal que ocuparase de "obras, iluminación, cemiterio, parques e xardíns", entre outras actividades, segundo dou conta o rexedor.

Presentouse nas redes o novo vídeo de Santos Morcegos, "Corre, Canceliñas, corre. O tema incluído no EP 7 homónimo é parte do último traballo desta banda de rock instrumental formada en 2008 en A Guarda. Disco conceptual dedicado á figura de "O Cancelliñas", Saturnino Cerezo Cancelas, o home que puxo en xaque aos corpos de seguridade de España e Portugal, actualmente no cárcere.