Este sábado 22 de agosto, ás 20 horas, o Centro Cultural de Peitieiros, Gondomar, celebra o XXII Festival Folclórico Internacional.
Nesta edición abrirá o grupo anfitrión, Ecos e Agarimos, que como en todas as edicións será o responsábel de iniciar o Festival. Ecos e Agarimos, cunha traxectoria de máis de vinte anos, é a escola de música e baile tradicional da parroquia.
Este sábado 22 de agosto a partir das 19:30 horas dará comezo a 18ª edición do Festival de Bandas de Música, organizado pola Agrupación Musical de Belesar.
A Escola informa que ofrecerá cursos dirixidos a cativos maiores de 4 anos e adultos. Os mesmos cubrirán as especialidades de clarinete, frauta, óboe, trompeta, trompa, trombón, tuba, saxo, bombardino, percusión , violonchelo, contrabaixo e fagot.
Un concurso para ter acceso a vales por valor de 150 euros conseguiu estafar a miles de persoas. Trátase do "timo do Mercadona", unha nova fraude que se está difundindo por WhatsApp e SMS nos que se piden datos persoais aos usuarios para entrar nun concurso duns falsos cupóns.
A Policía alerta que ao dar os datos, subscriben ao usuario a un servizo Premium. Este tipo de fraude consiste na subscrición dun usuario a unha base de datos que lle envía información sobre certos temas (xeralmente xogos e concursos), pero cóbranlle por cada SMS recibido.
Este xoves 20 de agosto ás 20:30 horas, Iñaki Cuesta Zabala achegará a conferencia "La Fotografía Hoy. ¿Realidad? ¿Ficción? ¿Arte?". A mesma forma parte do ciclo que está a desenvolver a Concellaría de Cultura de Baiona e coordinada polo profesor Antonio Piñeiro, baixo o título "Baiona Cultural".
Peitieiros continúa coa Semana Cultural que este xoves 20 e venres 21 contará con cadanseu concerto, ambos os dous ás 22:00 horas e no local do Centro Cultural.
O xoves 20 actuará Ameva dúo. Ameva dúo está integrado polos veciños de Peitieiros Diego Bea, guitarra e piano, e Eva Correa, voz. Trátase dun dúo que realiza versións acústicas de diferentes artistas de Soul, Rock, R&B, Rock, Jazz e que nestes últimos anos ten realizado numerosas actuacións en Gondomar e nos concellos limítrofes.
Diógenes dos Bosques é un guitarrista galego residente en Nigrán, ben coñecido por tocar nas rúas de cidades como Porto, Baiona, Vigo, Pontevedra ou Santiago de Compostela. Nossis de Locri é unha vocalista italo-arxentina-arousana residente en Compostela. Ambos participaron en diferentes proxectos na Galiza. Este domingo 23 de agosto ás 13 horas participarán no Vermú Colorido que ofrece a Casa Colorida de Nigrán, na Rúa Rosalía de Castro Nº 16.
O vindeiro domingo 23 celebrarase nos areais de Patos a 3ª edición de Os Patos Surfean de Noite, un evento onde quen queira poderá entrar ó mar cunha táboa iluminada por leds e vivir de cerca unha emocionante noite de luces e cores.
O pasado sábado celebrouse na vila de Baiona de un acto singular e histórico. Por primeira vez e nun só día as súas campás falaron para comunicar como antano. Esta vez alternaron os sons que chamaban aos actos relixiosos, con aqueles que sinalan o perigo dun incendio ou a tristura do pasamento dun veciño. A xeira contou coa guía de Anxo Rodríguez Lemos (IEM) e os toques nas campás de Lito de Mauricio
JPAGE_CURRENT_OF_TOTAL
Non é publica. Esta é a útlima versión feita pública antes da súa aprobación inicial. Dende ese punto non hai[…]
Qué version buscas?