Este xoves a Capitanía Marítima de Baiona acolle unha conferencia baixo o título "El tango gardeliano. Poesía, amor desesperado, filosofía de la vida" na que se analizarán as letras dos tangos a partir dos seus creadores. A conferencia dará inicio ás 20:30 horas.
Luis Espada Recarey falará do “Tango gardeliano” no ciclo de conferencias de Baiona.
Pontevedra será a capital do emprendemento estatal o 25 e o 26 de setembro
A falta de 20 días para que remate o prazo de inscrición, son xa 36 os proxectos impulsados por emprendedores e emprendedoras de diferentes puntos de España que formalizaron a súa inscrición no Pont-Up Store, o encontro de emprendemento impulsado pola Universidade de Vigo, que os días 25 e 26 do vindeiro mes encherá as rúas de Pontevedra de espírito emprendedor.
O número de candidaturas presentado polo de agora a esta iniciativa, que mantén aberto ata o 9 de setembro o seu prazo de inscrición, motivou que o comité organizador estude ampliar o número de stands que se ofertan de xeito gratuíto, inicialmente fixado en 32, en función da calidade das candidaturas presentadas.
O Concello de Nigrán organiza unha “Pequeruta” na parroquia de Parada
O Concello de Nigrán organiza mañá xoves unha nova peque-ruta, nesta ocasión aos pes do monte Montecastelo (Parada).
O punto de encontro será ás 18,00 horas un pouco antes da chegada ao propio merendeiro de Montecastelo (estará sinalizado).
Cunha imaxe xeitosa da túa viaxe podes gañar unha tablet . #Gondomar #Baiona
As OMIX de Gondomar e Baiona convocan á 9ª edición do Certame de Fotografía Viaxando.
Un ano máis bota andar o Certame de fotografía Viaxando, este ano na súa 9ª edición. Concurso destinado a mozos de 12 a 35 anos que terán tempo até o vindeiro 23 de outubro para presentar imaxes coa temática do lema do certame "Viaxando".
A Asociación Veciñal Galiñeiro de Vincios convida á IV Festa do Día dos Veciños. #Gondomar.
Será o vindeiro domingo 13 de setembro na Área Recreativa do Centro Cultural de Vincios. Dará comezo ás 11 horas cun programa musical conformado por grupos e músicos da parroquia que animará o encontro até a noite.
Ao mediodía terá lugar unha comida de confraternidade, onde os veciños poderán levar a súa comida ou mercar polbo ou churrasco que ofrecerá a organización.
Cada quen deberá procurarse mesas e cadeiras para instalar na área recreativa. Haberá xogos infantís e hinchables para os pequenos ata media tarde.
Inscricións abertas para participar na 2º Xeira Alén Miñor do IEM por Terras de Lemos
A xeira terá lugar os días 17 e 18 de outubro pernoctando en casas rurais da Ribeira Sacra. O itinerario abrangue entre outras, visitas a patrimonio arquitectónico relixioso de Pantón. Seguirá polo o eco museo de Arxeriz, o arte rupestre da ruta de Vilatán, Igrexa de San Paio de Diomondi. O día seguinte en Proencia das Lendas contemplarase os vestixios castrexos -romanos, casas señoriais e as contornas e vellas paisaxes do río Sil.
A vida no 1º século da era cristiá centrará a conferencia de Antonio Piñeiro en #Sabarís. #Baiona
O Mercado da Tía Ni de Sabarís (Julián Valverde 36) acollerá a presentación da novela histórica El trono maldito, contextualizada na época de Xesús de Nazaret. A obra, recentemente publicada polos catedráticos José Luis Corral (Historia Medieval, Zaragoza) e Antonio Piñeiro (Filoloxía Clásica, Complutense de Madrid), será presentada por este último este mércores 26 de de agosto ás 18:30 horas.
O Moura Rock acenderá por décima vez os Cotos de Chaín. #Gondomar
Xa chega o Moura Rock! Dez edicións que o converten nun clásico dos festivais rockeros de Gondomar e todo o Val Miñor. Feito na parroquia dos cotos inmensos pendurados cara o val, as bandas, especialmente da zona, escalan cada ano cara o recinto de festas da Merced para ofrecer o mellor do seu repertorio.
Este ano toca a Akarakan (Vincios), Kalambrazo (A Carrasca), Demencia Sonora (Freixo) e Hypons Day (Cangas), alumear a noite deste sábado 29 de agosto.
O cantautor Paco Cifuentes acompañado de María Rozalén regresan a Nigrán
O cantautor e poeta sevillano Paco Cifuentes volve a Nigrán co seu pequeno recital da xira "Versos y canciones" que contará coa compañía da cantante manchega Rozalén.
Actuarán este mércores 26 de agosto no viño-hotel 7 Uvas de Nigrán (horario sen confirmar)
JPAGE_CURRENT_OF_TOTAL
