Logo do ensaio dominical, Xosé Manuel García Crego, presidente da agrupación Coro Tradicional Cantares do Brión, e Pablo Rial Salgueiro seu director artístico, conversaron con Valminor.info sobre os orixes do grupo e seus proxectos futuros.

Con máis de sesenta integrantes, a agrupación reúne músicos profesionais, costureiras, obreiros, estudantes e persoas de moitos outros oficios e de variada idade, que atraídos polo xeito da arte, levan dende finais do ano 2008 percorrendo un camiño único na provincia de Pontevedra: a recollida e interpretación da música coral tradicional galega.

Foliadas, muiñeiras, alalás e xotas compoñen o repertorio de Cantares do Brión, que ten como referentes os coros históricos da Galicia de principios do século XX e da que hoxe só cultivan non máis de cinco agrupacións en todo o país. É por iso que xa comezan a ser nomeados como “o coro tradicional de Pontevedra”, polos seus pares de Santiago, A Coruña, O Ferrol e Ourense.

Un ano máis, este outono, a partir do sábado 25 de outubro, celebraráse en Gondomar a Mostra de Teatro Roberto Vidal Bolaño, na súa edición de 2008.  Continuando o  compromiso desta vila coa cultura galega, expresado na súa pertenza á Rede Galega de Teatros e Auditorios, e coa colaboración da AGADIC (anterior IGAEM), a Xunta de Galicia e Caixanova, as mellores compañías de teatro de Galicia volverán a pisar as táboas de Gondomar.