O Departamento de Educación do Concello de Santiago e Kalandraka convocan o IV Premio Internacional Compostela para Álbums Ilustrados, cunha dotación económica única de 12.000 euros en concepto de adianto polos dereitos de autor. O prazo de presentación dos traballos rematará o 28 de febreiro de 2011 e o fallo do xurado darase a coñecer o 1 de abril, previo á celebración do Día Internacional do Libro Infantil e Xuvenil, e no marco das actividades da XI Campaña de Animación á Lectura que organizan o Concello de Santiago e Kalandraka.

O sábado 27 de novembro terá lugar a sesión mensual do Club de Lectura Compartida Lendo Contigo, dedicado a nenos e nenas de 8 a 12 anos, e seus pais e nais, e organizado por Espazo Lectura.

Nesta ocasión, o libro do que se vai falar é A abella abesullona, do escritor Manuel Janeiro (Galaxia, 2009).

O autor estará na Biblioteca de Gondomar. A cita é o sábado ás 12.00 horas.

Desde a Concellaría de Xuventude de Nigrán convocase as persoas xoves entre 12 e 18 anos para realizar un obradoiro gratuíto de Banda Deseñada, impartido por Fran Bueno, a través da editorial El Patito Editorial e dentro do programa Bocaberta da Secretaría Xeral de Política Lingüística para fomentar o uso do galego nas franxas de idade máis novas. O obradoiro constan dunha charla, de unha hora de duración, con proxección de vídeo e debuxos, na que se mostran pequenos trucos e claves para poder lle dar a forma ás historietas desde o guión ao debuxo e a cor.

O martes 16 de novembro, celébrase unha nova xuntanza do club de cómic Lecturas Debuxadas organizado pola asociación Espazo Lectura.

Nesta ocasión, o cómic escollido é Os lobos de Moeche do ilustrador galego Manel Cráneo.

Será na Biblioteca de Gondomar a partir das 20.00 horas.

A partir das 21.00h o propio autor, Manel Cráneo, achegarase para compartir as impresións dos lectores e lectoras sobre o álbum.