A Agrupación Musical de Vincios actuará hoxe sábado, ás 19:30 horas. no centro Cultural de Mañufe, dentro do ciclo “Música nas Parroquias”, organizado pola Concellería de Cultura de Gondomar. O domingo o recital será no Centro Cultural de Borreiros, ás 13 horas.

A Mostra de Teatro e Maxia Outono 2010, o programa cultural da Concellería de Cultura do Concello de Gondomar para os meses de novembro e decembro, continúa esta fin de semana coa obra de teatro “Toda unha Vida”, a cargo da compañía pontevedresa “Expresións Produccións”, de Manuel Sola. Trátase dunha comedia emocional e íntima que aborda os problemas da vida de xeito tenro e esperanzador.

 

Os seus responsables  falan dun “un espectáculo sorprendente e orixinal, que escandila ao público desde o primeiro momento polo seu ritmo, os cambios constantes e calidade dos actores, xa que conxuga momentos de gargallada con outros de emoción”. “Toda unha vida” é unha obra “divertida, pero tamén profunda e con mensaxe”.

A Asociación Espazo Lectura informa que a sesión do Club de Formación Lectora sobre "Metamorfosis de la lectura", de Román Gubern, prevista para mañá xoves 11 queda aprazada ata o xoves 25 ás sete da tarde.

Como dende hai 21 anos, o grupo Etnográfico A Buxaina organiza a Homenaxe ao Gaiteiro, un agasallo aos músicos tradicionais que adicaron boa parte da súa vida a música xa sexa interpretando, ensinando ou construíndo instrumentos.

 

Esta vez a actividade coincide coa celebración do 25º aniversario da agrupación, que nesta ocasión actuará xunto aos grupos miñoráns Os Terribles de Donas e o Coro Tradicional Cantares do Brión. O mantedor da homenaxe será Carlos do Viso.