A edición e a produción son do propio coro Cantares do Brión. Eles encargáronse da gravación, fixeron o seguimento da edición musical, traballaron no deseño e decidiron a localización para as fotos do libro que acompaña o disco.  Por último tamén encargaron a fabricación. Para a gravación contouse con Panta Sónica, un estudio de Vigo, que se desprazou a Vincios e onde nos seus estudos traballouse a edición. A promoción e distribución son de Inquedanzas Sonoras. Grazas a esta autoprodución, pódese gozar de Arruídos, o álbum CD que recolle 16 temas que afondan no mellor da tradición coral do país así como de novas creacións xurdidas na breve pero intensa vida desta agrupación nada a finais de 2008.

-VM.info  preséntache en exclusiva o primeiro capítulo de CATARSIS.

Co nome CATARSIS estréase a segunda tempada da serie web LITOST nada en 2013 coa particularidade de ser escrita e dirixida por adolescentes. O proxecto conta con medio centenar de novos actores a maioría de Vigo e do Val Miñor, que roldan entre os 16 e 22 anos. LITOST cambiou de nome a CATARSIS porque cada tempada é unha etapa diferente, na primeira tempada, coñecemos a Ana e os seus amigos, un grupo de mozos vigueses que coñecen a Adry (Dave Conde), un mozo novo na cidade que chega de Gondomar. Todo o mundo fala de que por culpa del, Sheila (Paula Simoniak) Intentouse suicidar baixo os efectos das drogas. Como a vida mesma, LITOST mostraba aos seus personaxes en circunstancias graciosas e conversacións entre o reflexo do que poden ser os adolescentes de hoxe en día. En LITOST tamén se mostra o bullyng no instituto, a homosexualidade, o coqueteo coas drogas e o que supón un embarazo con tan só dezaseis anos.

O Concello de Nigrán puxo en marcha o concurso de carteis "Quin Alborés" para a próxima edición do Festival Nigrán Jazz, que terá lugar no estuario da Foz o próximo 9 de agosto. Ao certame de deseño poderán presentarse autores residentes en Galicia maiores de 18 anos, ata cun máximo de dúas obras inéditas. O prazo de presentación de orixinais conclúe o próximo 11 de xullo ás 10.00 horas. O premio será de 500 euros.

Attachments:

File
Bases do Concurso 2014

Este venres 13 ás 21 horas, Xosé Luís Méndez Ferrín e Saluistiano Mato presentarán o traballo de Ceibes no monte. Patrimonio vivo na terra de Turonio,  na libraría Libraida de Gondomar (Rúa Rosalía de Castro, 13).  A obra está composta por un conto, un libro e máis un DVD onde se recollen os froitos dun traballo que dende 2003 se desenvolve nas aulas do IES Terra de Turonio cara aos garranos que habitan as serras do Val Miñor. Entre outros fornecen a obra, Santi Veloso, Alfredo López (Tokio), Andrés Meixide,  Eva Moreda, Gonzalo Moure e Méndez Ferrín.