Hoxe da comezo o ciclo de cine na rúa en Gondomar organizado pola Concellería de Cultura. O lugar para as proxeccións será o Parque da Coelleira ás 22:30h , detrás do edificio do Concello. O primeiro filme en abrir este ciclo este mércores 3 de agosto será a película de animación "Cómo entrenar a tu dragón"

Tonhito de Poi volve ao Val Miñor co seu monólogo musicado. A cita será este  xoves 4 de agosto a partir das 23:00h na Tarberna Marrucho (Percebilleira 58 - Baiona) formando parte do cartaz do I Ciclo de Monólogos do Marrucho. A entrada ten un custe de 4€.

Mañá xoves termina o prazo de inscrición para realizar a 2ª ruta ambiental por Baiona.

A Concellaría de Turismo de Baiona informa da organización da segunda, das catro rutas ambientais que levarán a cabo este verán en Baiona. Nesta visita os participantes poderán coñecer o patrimonio natural e etnográfico das parroquias da Vila, visitando puntos como a senda fluvial dos muíños de Baredo, onde se dará aos asistentes información sobre a función destes muíños, o miradoiro de Cabo Silleiro, coas súas impresionantes vistas panorámicas; a visita á contorna natural do río en Baíña e aos petróglifos de Outeiro dous Lameiros, na parroquia de Santa Cristina da Ramallosa.

A andaina terá por obxectivo visitar o bosque de ribeira atlántica desta zona do Val Miñor, salientando a súa frondosa e diversa vexetación que caracteriza este tipo de área ecolóxica. Tamén e durante todo o percorrido, repasarase a rica toponimia do lugar. A saída será este mércores 3 de agosto ás 18 horas e terá como punto de encontro o quiosco Pasión Praia en Praia Lourido (Praia América). Os guías serán os membros do Instituto de Estudos Miñoranos Xosé Lois Vilar e Xosé Ramón García.