Este venres 30 de maio ás 20:30 horas será presentada a novela ilustrada O gabinete das marabillas de Arxentino da Rocha Alemparte (Xerais, 2014) no Instituto de Estudos Miñoranos. O acto contará coa presenza dos autores, Irene Pérez Pintos e Rodrigo Pérez Pintos.
Axenda do Val Miñor
Presentación no IEM da novela “O gabinete das marabillas de Arxentino da Rocha Alemparte”.
O Campo das Cercas acollerá este venres a 320 crianzas nos Xogos Populares do Val Miñor
Mañá, 30 de maio, os Equipos de Dinamización Lingüística do Val Miñor van celebrar unha Xornada de Xogos Populares no campo das Cercas, en Gondomar. Esta actividade comezará ás 10 da mañá, e participarán trece colexios de Nigrán, Baiona e Gondomar.
Teatro gratuíto en Chaín no Centro Cultural a Merced: “Paco Jones, detective privado”.
O Centro Cultural a Merced de Chaín continúa co ciclo de teatro na parroquia coa obra Paco Jones, detective privado. posta en escena será o vindeiro sábado 31 de maio ás 21 horas no centro cultural. Trátase dunha representación a cargo do grupo de teatro do Centro Cultura Castro Barreiro (Salceda de Caselas), que promete risas e diversión “asegurada”. Proposta axeitada para concorrer con toda a familia e con entrada gratuíta.
A cooperativa Nornas Hostel festexa o 2º aniversario cun concurso de fotografías sobre o Val Miñor
Xa pasaron dous anos dende que abriu as súas portas Nornas, o primeiro hostel do Val Miñor. Durante estes dous anos teñen acontecido moitas cousas entre as paredes da casa na que se localiza esta cooperativa: obradoiros, feiras, magostos, música en directo, poesía, sorteos e moitas actividades máis.
Para celebrar que seguen “con forza” lanzan un concurso a través da páxina de facebook, no que se elixirán as mellores fotos do Val Miñor. Sinalan que optouse por esta temática non solo por ser o Val Miñor a comarca na que “vive” Nornas, senón tamén por contar con infinidade de espazos por descubrir: Galiñeiro, Monte Tetón, Monteferro, as diferentes praias e moitos máis “que agardamos coñecer da man das concursantes”, salientan.
O Centro Cultural e Recreativo Parada do Miñor organiza excursións a Carballiño e Praia das Catedrais.
O Centro Cultural e Recreativo Parada do Miñor organiza dúas excursións. O vindeiro día 31/05/2014 co destino a Carballiño. Con saída as 08:30 do Centro cultural. O derradeiro día para anotarse é o 26/05/2014.
O vindeiro día 29/06/2014 será a Praia das Catedrais. Saída as 07:30 do centro cultural. O derradeiro día para anotarse e o 24/06/2014.
Mais información no teléfono 628986597. O numero mínimo de persoas è 50.
JPAGE_CURRENT_OF_TOTAL