Xa pasaron dous anos dende que abriu as súas portas Nornas, o primeiro hostel do Val Miñor. Durante estes dous anos teñen acontecido moitas cousas entre as paredes da casa na que se localiza esta cooperativa: obradoiros, feiras, magostos, música en directo, poesía, sorteos e moitas actividades máis.
Para celebrar que seguen “con forza” lanzan un concurso a través da páxina de facebook, no que se elixirán as mellores fotos do Val Miñor. Sinalan que optouse por esta temática non solo por ser o Val Miñor a comarca na que “vive” Nornas, senón tamén por contar con infinidade de espazos por descubrir: Galiñeiro, Monte Tetón, Monteferro, as diferentes praias e moitos máis “que agardamos coñecer da man das concursantes”, salientan.
Como participar?
Para participar existen dúas vías: os que teñan perfil na rede Facebook o poden mandar como mensaxe á páxina de Nornas. Os que non por correo electrónico ao enderezo Este enderezo de correo-e está a ser protexido de robots spamers, precisas activar o JavaScript para velo ) en todos os casos dando o nome e especificando o lugar no que se tirou a foto. As imaxes poderán estar alteradas por medios dixitais.
Prazo e premio
O prazo para o envío das fotografías é ata o 15 de xuño, pero poderá votarse ata o 30 do mesmo mes. O premio será unha noite gratis para dúas persoas con almorzo incluído
Bases do concurso
Para consultar as bases completas solo hai que visitar o blog de actividades de Nornas ou o seu Facebook.