Esquerda Unida denuncia os cheiros provenientes dos colectores de lixo próximos aos mercados de Sabarís e Baiona. A agrupación entende que a falla de colectores específicos para o vertido de residuos orgánicos é a causa do problema, pois os feirantes deben colocar o lixo nos colectores normais.

Máis de 400 persoas, acudiron á "Primeira Travesía en defensa do mar e da terra", que se celebrou o pasado sábado polas aguas da Ría de Baiona e Vigo, organizada pola formación política ANOVA-Baiona.

Vázquez Almuíña solicitou a baixa do Concello do Fondo Galego de Cooperación e Solidariedade “para aforrar 2000 € anuais”, denuncian os nacionalistas. Nembargante, días atrás gastou 16.000€ “nun xantar con xubilados que non ten máis fin que o de fidelizar o voto”, protesta o voceiro do BNG, Xosé Manoel Marcote.

Anova Baiona celebrará o vindeiro sábado 22 de xuño, a "Primeira Travesía en defensa do Mar e a Terra". Os organizadores informan que trátase dun acto aberto que consistirá nun percorrido en barco polo mar de Panxón e Baiona ademais do desembarco durante dúas horas nas Illas Cíes. Segundo explica o voceiro nacionalista Antonio Espinar, os asistentes "poderán coñecer a bordo as explicacións sobre a riqueza da nosa terra e o noso mar, mediante proxeccións e exposicións". Tamén haberá contacontos, obradoiros e música.