Un grupo de veciñas e veciños da bisbarra están a convocar unha celebración comarcal do Día da Patria Galega no Pazo da Escola de Mañufe, o próximo venres 24 de xullo as 20:30h. Nun manifesto elaborado a tal fin afirman procurar unha participación sen distincións partidarias no día previo á celebración en todo o país do Día de Galicia ou da Patria, como sinalan foi nomeado historicamente. Os interesados en participar deberán comunicarse ao correo Este enderezo de correo-e está a ser protexido de robots spamers, precisas activar o JavaScript para velo . No acto intervirá Salustiano Mato, reitor da Universidade de Vigo.

A Mancomunidade do Val Miñor asinou 23 contratos para o servizo de socorristas nas praias de Baiona e Nigrán cunha previsión de aumentar até 25 no correr da tempada. A cifra é maior a da pasada tempada onde a vixilancia nos areais estivo a cargo de 20 profesionais, segundo dá conta un informe do Concello de Nigrán. Tamén foi ampliado o prazo do servizo que será até o vindeiro 15 de setembro, cando ata de agora finalizaba o 31 de agosto.

Unha reestrutura de persoal e as súas áreas de distribución deixa aos carteiros da bisbarra nunha relación de 1 cada 2000 habitantes de media. O dobre do recomendado para unha cobertura diaria e axeitada, segundo fontes sindicais. Por riba, dúas zonas rurais en Baiona e Oia antigamente cubertas cun carteiro cada unha, agora foron incluídas nos responsables doutras áreas. A maiores o ente Correos non prevé substituír as ausencias de persoal por vacacións ou baixas durante o verán con novas contratacións. Neste contexto, o persoal do centro de distribución da Ramallosa sairá este luns á rúa para manifestar o seu rexeitamento ao novo plan da empresa para a zona. A protesta non afectará as tarefas ao público pois desenvolveranse no espazo libre que goza o persoal ás 9 horas . Os traballadores percorrerán o mercado de Sabarís.

Coma todos os anos na tempada estival a bisbarra recibe a visita dun continxente de cativos dos campamentos de refuxiados do Tinduf, no Sahara Occidental. Este ano son once as nenas e nenos saharauís que ficarán repartidos en cinco fogares familiares de Gondomar, outros tanos de Nigrán e un de Baiona. Protexerlles das altas temperaturas do verán no Sahara e prover dunha atención sanitaria a través do Sergas son algúns dos obxectivos pola que a ONG Solidariedade Galega co Pobo Saharauí (SOGAPS) ten desenvolto este programa de familias acolledoras coñecido como Vacacións en Paz. A estadía prolongarase até o vindeiro 7 de setembro.

O Xulgado de Cambados fixará nas vindeiras semanas a data do xuizo ao presidente da Deputación de Pontevedra Rafael Louzán.

Os cargos refírense ao aluguer duns baixos comerciais en Vigo.

Denuncian a diminución en dúas prazas do cadro laboral encargado do reparto na Unidade de Distribución Val Miñor que funciona na Ramallosa. Afirman que a decisión da directiva de Correos afectará o normal cumprimento do servizo, tanto pola sobrecarga laboral do persoal en funcións, así como pola falla de contratos para suplir baixas eventuais. Nese senso o sindicato convocou aos traballadores das oficinas de Baiona, Gondomar e Nigrán a concentrarse este luns 6 de xullo ás 9 horas na Rúa Xulián Valverde para reclamar a Correos “máis persoal no Centro de reparto do Val Miñor”.

Telefónica asegura que así dará resposta ao incremento da demanda de voz e datos derivada da afluencia masiva de visitantes no verán. A medida afecta a Baiona, Gondomar e Nigrán segundo un comunicado emitido este venres pola empresa. Nel sinala que igual decisión tomouse para O Morrazo, O Salnés e Vigo. Telefónica asegura ter investido próximo ao millón de euros para mellorar a cobertura galega cun plan especial a tal fin.

Unha brincadeira do Entroido de dubidoso valor etnográfico pode ficar por sempre na entrada á vila de Gondomar porque ao actual alcalde moitos usuarios do Facebook lle puxeron un "Me gusta" a unha foto dela. Pequeno exemplo da pegada das redes sociais nas decisións administrativas dos políticos miñoranos. A iso pode engadirse a frenética subida de fotografías, post e comentarios que dende o pasado mandato tivo no ex alcalde de Nigrán un exemplo destacado, facendo do Facebook a fiestra onde amosar día a día os logros, achegar opinións políticas ou dialogar con cidadáns. Corrente que agora parecen seguir con igual entusiasmo e dedicación algúns dos novos rexedores da bisbarra.