Os imputados por un delito de suborno en Gondomar non irán a prisión. A Fiscalía de Vigo descarta incluír no seu escrito de cualificación a petición de penas de cárcere para as catro persoas investigadas por un suposto delito de suborno no que se viron implicados dous concelleiros de Gondomar, a noiva dun deles e un arquitecto privado de Vigo.

O anuncio de Vicepresidencia de Igualdade de instalar unha unidade comarcal de Benestar no Porriño abriu a polémica en Gondomar e retomarase mañá non pleno a raíz dunha moción presentada polo PP para abordar este tema.

O Partido Popular de Gondomar critica que as obras de saneamiento que se executan no municipio "non se realizan con todas as garantías". Refírese o portavoz "popular", Carlos Silva, aos traballos que se desenvolven nas parroquias de Mañufe, Doas e Borreiros onde os veciños "denuncian camiños levantados, cortados e obras de reposición que non se realizan ou se fan mal", agrega.

Dous accidentes de tráfico ocorridos no termo municipal de Gondomar (Pontevedra) ao fío da pasada medianoite, con tan só unha hora de diferenza, saldáronse coa morte dun menor de idade de 15 anos e un mozo de 21 anos, segundo informaron fontes da Garda Civil de Tráfico. O primeiro dos sinistros rexistrouse ás 23.00 horas de onte na estrada EP-2302, que comunica Gondomar-Chaín e Morgadanes, cando se saíu da vía o turismo no que viaxaba o adolescente de 15 anos falecido, I.R.P. Pola súa banda, o mozo que conducía o vehículo, A.T.F., de 21 anos de idade, resultou ferido leve.