O organismo autonómico comunicou esta semana a súa decisión unilateral de cesar o citado acordo por suposto "incumprimento"

Os 17 edís facultaron ao alcalde a que interpoña un recurso contencioso administrativo se a Xunta de Galicia mantén a súa decisión de anulalo

O Pleno do Concello de Nigrán aprobou onte con tódolos grupos a favor o convenio de abastecemento de augas á parroquia de Parada. A cuestión figuraba na orde do día pese a que o 27 de xullo o organismo Augas de Galicia comunicou por escrito ao Concello a súa revogación alegando "por incumprimento".

A decisión de Augas de Galicia foi obxecto dun pronunciamento contrario e rexeitado contundentemente polo goberno e demais partidos da oposición.

De feito, a corporación por unanimidade acordou aprobar o punto tal e como estaba previsto e como requiría Augas de Galiza para seguir adiante. A súa vez o goberno municipal anuncia nesta xornada que "hoxe mesmo foi enviada á Consellería de Medio Ambiente o certificado do Pleno acreditando a disponibilidade dos terreos, como era necesario".

O Concello afirma que a non retirada destas especies invasoras nos últimos catro anos provocou a masiva presenza das mesmas nos 3.500m² de superficie traballada.

O Concello de Nigrán celebrou este xoves a súa primeira xornada de voluntariado no ecosistema dunar de Panxón, actividade que se espera repetir o vindeiro día 13 e xoves seguintes..

Neste primeiro día, os voluntarios traballaron retirando especies invasoras nunha superficie de 3.500 metros, localizada no último sector dunar recuperado (cara o paseo de Panxón, fronte as instalacións deportivas) e o que se atopaba en peor estado de conservación.

O Concello de Nigrán festexa este sábado 1 de xullo San Fiz, patrón do municipio e día festivo local. Para elo, o Concello anuncia unha serie de actos ao longo de toda a xornada co fin de darlle "a máxima visibilidade a unha data tan sinalada para a localidade". Así, ás 11.00 da mañá, está previsto que a Banda de Música de Vincios faga entrada no Concello e ofrezca un concerto ao que está previsto que asista todo o goberno local.

Os máis pequenos disfrutaron este mércores dunha particular tarde de xogos nas beiras do río Muíños. Acompañados dun agarimoso grupo de "piratas" desenvolveron unha divertida ruta de 4 quilómetros polo Muíños. Nela desenvolveron distintas dinámicas, coñeceron unha das paisaxes fluviais máis importantes da bisbarra e recibiron obsequios dos organizadores.

O Concello de Nigrán organiza este xoves a súa primeira xornada de limpeza de especies invasoras no ecosistema dunar de Praia América-Panxón. Para elo, fai un chamamento a tódalas aquelas persoas voluntarias que estean interesadas en participar. O punto de encontro é ás nove da mañá na Oficina de Turismo Dunas de Gaifar, ubicada a escasos metros do lugar.

A Policía Local de Nigrán detivo a mañá do sábado 25 de xullo a un mozo por suposto delito de violencia de xénero. Os feitos ocorreron sobre as 10.20 horas, cando unha veciña do edificio situado en rúa Dos Pazos deu unha chamada de aviso á policía denunciando gritos e golpes nun dos pisos. Ao lugar desprazáronse varias unidades e unha patrulla da Garda Civil de Baiona. Ao chegar, o mozo abriu a porta admitindo que estivera discutindo coa súa parella e que froito do acaloramento rompeu unha mesa pequena. A policía contrastou o sucedido con ela, que se atopaba noutra habitación, e ofreceulles unha versión diferente, relatando que a agarrou polo brazo para impedirlle saír do cuarto e despois polo pescozo con forza, soltándoa violentamente sobre a cama e comezando despois a golpear mobles.

A candidatura NIGRÁN DECIDE pide ao alcalde de Nigrán a convocatoria "urxente da Asemblea do Consello Sectorial do PXOM de Nigrán", para que sexan informados os colectivos veciñais da situación de tramitación do PXOM, segundo anuncian nun comunicado. Denuncian que o alcalde socialista, Juan González incumpriu o compromiso asumido coa súa agrupación, pois xa debiu telo convocado.
Dende a agrupación lembran que "tal como se configurou o Consello Sectorial do PXOM no seu regulamento aprobado por unanimidade o 28 de maio de 2008, é o órgano para canalizar a participación da cidadanía na tramitación do PXOM".

O Concello de Nigrán anuncia a contratación de oito auxiliares de Policía Local que prestarán apoio ao cadro fixo, desenrolando o seu traballo no municipio durante seis meses. O novo persoal, que xa exerce dende o 15 de xullo, foi recibido hoxe polo alcalde Juan González e por Rubén Rial, concelleiro de Vías e Obras, Servizos Urbanos e Seguridade.