Están abertas as inscricións para participar da Ruta Marítima do IEM Baiona – Costa da Suavela a desenvolverse o vindeiro mércores 20 de agosto, con saída ás 21:15 horas. A ruta contará coa guía do arqueólogo Xosé Lois Vilar, centrada nos postos de vixilancia, fachos, sentinelas e demais espazos que dende a antigüidade xogaron un papel estratéxico na defensa da costa galega. O prazo para anotarse vence este luns 18 de agosto ás 22 horas. Pasos para inscribirse na Xeira Marítima :
Peitieiros presenta a Semana Cultural e o XXI Festival Folclórico Internacional
O vindeiro sábado 23 de agosto, ás 20 horas, o Centro Cultural de Peitieiros, Gondomar, celebra o XXI Festival Folclórico Internacional. Como xa se fixo o ano pasado, como actividade previa ao Festival Folclórico, celébrase a Semana Cultural que comezará o martes 19.
Actuación do grupo Voces del Más Acá hoxe en Gondomar
Voces del Más Acá actuarán en Gondomar este fin de semana.
A agrupación xorde a comezos do ano 2009, no conservatorio profesional de música de Salamanca co obxectivo de participar nun coro dun xeito diferente ao que estaban acostumados.
Trampoline presenta o seu último disco “Motivations” este venres na Ramallosa.
O trío integrado por David Tizón (voz e guitarra acústica), Marcos Rivera (guitarras, baixo e voz) e Iago Fernández (batería e percusión) presentarase en O Cafeciño (Damas Apostólicas 19 A Ramallosa) o próximo vernes dia 15 ás 22:00 horas. No concerto presentará o seu primeiro álbum Motivations, autoproducido en 2013. A banda Trampoline ofrecerá un recital acústico con temas enraizados en sons americanos e melodías británicas.
Peitieiros celebran este venres a Festa do Lombo do Roxás para os asociados e comuneiros
Este venres 15 de agosto o Centro Cultural e a Comunidade de Montes de Peitieiros organizan conxuntamente a festa da veciñanza de Peitieiros, denominada "Lombo do Roxás". Esta festa vénse celebrando conxuntamente desde hai case unha década, facendo confluír a Festa da/o socia/o e a Festa da/o comuneira/o que cada entidade celebraba por separado.
Os coidados do corazón centrará a conferencia do Dr. Diéguez na Capitanía Marítima de Baiona.
Este xoves 14 de agosto ás 20:30 horas terá lugar unha nova conferencia no ciclo organizado na Capitanía Marítima de Baiona. Nesta ocasión o Prof. Dr. Godofredo Diéguez, catedrático emérito de fisioloxía da Universidad Autónoma de Madrid presentará o coloquio “¿Cómo podemos cuidar nuestro corazón?”.
“Palestina: a terra das laranxas tristes". Faladoiro con Moncho Iglesias Míguez no IEM.
O vindeiro xoves 14 de agosto ás 20:30 o profesor Moncho Iglesias Míguez, da Universidade An‐Najah, en Nablus, Palestina, desenvolverá un faladoiro baixo o título “Palestina: a terra das laranxas tristes”, na Aula de Cultura Ponte de Rosas (Avda. da Feira 10, baixo Gondomar).
Xeira do IEM: Parada na Idade Media centrada na figura do cabaleiro Suerio Iáñez.
Este mércores 13 de agosto terá lugar unha visita do Instituto de Estudos Miñoranos ao legado medieval na parroquia de Parada e centrada na figura de Sueiro Iáñez. O punto de encontro será ás 17:30 horas na Aula de Cultura Ponte de Rosas (Avda. da Feira Nº10, baixo – Gondomar), e contará coa guía do arquitecto Antonio Soliño e o historiador Carlos Méixome. A participación é gratuíta e non require inscrición previa.
Nigrán non investiu todo o seu orzamento para a creación de emprego, pese a ter 1700 persoas no paro.
Nigrán pechou o 2013 con máis de 1.700 persoas en paro, sen embargo o goberno local só gastou 19.618,57€, dos 35.000€ que dispoñía na partida para “Fomento do Emprego” dese ano. A falla de traballo que afecta a máis do 15% da poboación activa de Nigrán foi deste xeito deficientemente xestionada pola administración popular segundo o edil Fernández Comesaña (UCN), quen revela estes datos , ao deixar de investir máis de 15 mil euros en cursos de orientación na procura de emprego.
JPAGE_CURRENT_OF_TOTAL