O Xornal do Val Miñor. Baiona, Nigrán, Gondomar

Así era o petróglifo do Chan ou mar de Rapadouro, estragado na parroquia de Chandebrito e denunciado hoxe pola Asociación "Chandebrito 1807". 

A cámara de Angel de Padro, membro do Clube Espeleolóxico Maúxo, recollía así estas imaxes espectaculares destes gravados castrexos.

A Asociación "Chandebrito 1807" comunicou no dia de hoxe ao Concello de Nigrán e á Dirección Xeral de Patrimonio Cultural da Consellería de Cultura que se observaron danos que sufriron os grupos de petróglifos Chans de Rapadouro e da Lapela na parroquia de Chandebrito.
Segundo da conta o seu portavoz Carlos Goméz os anos observados son:
- Petroglifo das Chans de Rapadouro, As Tomadas (a uns 300 m. ao norte do Colexio Estudio, na marxe esquerda da pista forestal de acceso ao Monte Sanomedio): raiado da superficie dos gravados e substracción do panel informativo colocado ao pé destes.
- Petróglifo da Lapela, no barrio da Igrexa (ao nordés da canteira, na marxe esquerda da pista asfaltada que se dirixe ao Monte Alba, Valadares): Substracción do panel informativo e do valo de madeira de delimitación e protección -colocados hai poucos anos, entre o camiño e a rocha que contén os petróglifos- e propagación de maleza que rodea aos gravados -provocando riscos da súa destrución no caso de incendios forestais-).

Este xoves 17 de xullo terá lugar unha ruta dende as Escolas Pro Val ao Pazo de Moldes, no marco das Xeiras do IEM. O punto de encontro será na Aula de Cultura Ponte de Rosas, na Avenida da Feira, nº10, baixo, Gondomar, ás 17:30 horas. Coa guía do arquitecto Antonio Soliño e o historiador Carlos Méixome, visitarase antigos camiños, construcións senlleiras civís e relixiosas localizadas na parroquia de Mañufe, aínda tamén na veciña Vilariño en territorio de Nigrán. Para participar só é necesario estar no punto de encontro sinalado ás 17:30 horas, sen inscrición previa.

Attachments:

File
Folleto informativo da Xeira para descargar e imprimir

-VM.info preséntache o segundo capítulo de CATARSIS.
Con case un milleiro de visitas no seu capítulo presentación, esta madrugada tivo lugar a estrea de "Adry", o capítulo II da webserie CATARSIS, do gondomareño Dave Conde. Tras cinco semanas dende que os mozos terminaron o bacharelato, agora están a vivir "o mellor verán das súas vidas".

A obra está dedicada  ás vivencias previas e posteriores ao nacemento da súa neta. Dadas as dificultades que atopou para editalo baixo un selo editorial, decidiu facelo como libro de autor. O mesmo pode ser adquirido na sede do Instituto de Estidps Miñoranos, na libraría Libraida de Gondomar ou na libraría Seijas de Pontevedra.  Tamén con motivo do lanzamento da obra, o escritor  creou un blog co xeito de achegar información e dialogar cos lectores sobre os textos.

"VOU EMBORA. ADEUS E GRAZAS", así titúlase o último post escrito por Suso de Toro para o portal de "El País" e asinado o día luns 14 de xullo. No mesmo explica "non o cerro eu, o cerra o xornal: desaparecen estes blogs. De maneira que non marcho, bótannos." O espazo de autor levaba por nome "Botella ao Mar" e comezara a escribirse en febreiro de 2014. Tras sinalar que a dirección do xornal "está no seu dereito", deixa no aire posibles razóns políticas: "A liberdade de expresarse libremente ten costes e hai que pagar as facturas".

Os concellos do Val Miñor recibirán 8 mil euros da deputación para atender prioritariamente a asistencia alimentaria dos cativos durante o peche dos comedores escolares nas vacacións. Desa cifra, os concellos tamén deberán afrontar as liñas de axudas de emerxencia para persoas e familias en risco de exclusión social. Nese senso, a administración provincial adiantará o 50% da liña de axuda unha vez os concellos remitan a súa vontade de concorrer á convocatoria e a outra metade unha vez esgotada a contía e coas debidas xustificacións dos gastos.

Tras a súa primeira edición en 2013, coa participación dun centenar de persoas, a Hunters Party triplicou asistencia na noite da gran lúa chea deste sábado. Deste xeito, converteuse na maior festa da música electrónica do Val Miñor, coa salientable característica de estar autoxestionada por rapaces da bisbarra e con entrada gratuíta. Congregados na contorna da Caza do Cazador de Gondomar, gozaron dende o lusco fusco ata ben entrada a madrugada das creacións dun selecto grupo de DJs, nun entorno natural que foron quen de protexer e salientar dende as mensaxes de convocatoria.