A unión fai a forza e, máis, se se trata de cabalos. Por iso, as asociacións Pura Raza Cabalo Galego e a de Criadores de Cabalos de Raça Garrana, do municipio portugués de Arcos de Valdevez, acordaron accións conxuntas dos gandeiros-criadores para poder ampliar a apertura de novas vías de comercialización e mercado dos produtos gandeiros.
VIDEO - A pedra do Cunichán en Baiona..pero de onde ven o nome?
No ano 1906 un barco de vapor inglés que proviña de Alexandría cargado de algodón e cemento, pretendía entrar en Vigo para cargar carbón pero confundiuse e chocou contra unha pedra en Silleiro que se chamaba a "Atravesada".
Dende aquel afundimento a rocha pasou a chamarse "Cunichán". Pero, de onde ven este nome? Non perdades detalle da explicación que deu o arqueólogo Xosé Lois Vilar o pasado mércores na ruta marítima pola costa.
O domingo dende as 10 da mañá sardiñada no Montecastelo de Parada.
A Comisión de Festas Santiago e Santa Ana 2013/2014 organiza unha Sardiñada en Montecastelo, Parada. Haberá sardiñas, pan, vino, e moita diversión a partires das 10:00 horas da mañá. A festa estará amenizada polo Grupo de Gaitas e Baile do C. R. C. O Torreiro de Priegue.
O Concello de Baiona procura un auxiliar administrativo de carácter interino.
O Concello de Baiona acaba de publicar as bases de convocatoria para a provisión dunha praza de auxiliar administrativo. O mesmo será de carácter interino para a substitución dunha baixa por enfermidade e posterior permiso maternal dunha funcionaria, segundo informa o boletín oficial da provincia. Para coñecer as bases da convocatoria así como para presentar as solicitudes débese dirixir á casa consistorial de Baiona.O prazo remata o vindeiro 16 de xullo.
A xeira marítima do IEM emitida por internet, seguida dende 12 países
A emisión conseguiu acadar o interese de medio milleiro de persoas de doce países que escoitaron as explicacións do arqueólogo Xose Lois Vilar sobre a talasonímia e os afundimentos na costa entre Baiona e as Cíes.
Os nomes do mar e o solpor nas illas Cíes foron seguidos no resto de España, Bélxica, Arxentina, Noruega, Portugal, Reino Unido, Suiza, Alemania, Andorra, Irlanda, Turquía e Estados Unidos.
Mulleres Galegas Kañeras: Trinta artistas procuran financiar un proxecto común en VERKAMI.
O proxecto Mulleres Galegas Kañeras (MGK) so procura a gravación dun tema en estudio e un videoclip. Mais a cousa non é tan doada como parece. A movida implica xuntar a máis de trinta artistas das catro provincias do país para unha produción colectiva. O seu obxectivo maior é dar visibilidade a unha corrente alternativa que día a día medra en integrantes e creacións culturais, e que sen embargo amosa illada dos grandes medios de difusión. Procuran acadar a través do micro-mecenado uns 1.500 euros para pagar os custes de produción que implica a contratación de estudos e profesionais, ademais dos gastos de mobilidade. Susana Seivane, Mercedes Peón e Teté Delgado xa comprometeron a súa participación desinteresada no proxecto. Agora toca achegar dende 3 euros en diante na conta de VERKAMI, para facer posible este soño.
O Concello de Gondomar convoca aspirantes para prover unha praza de traballador social
A convocatoria ten por obxecto cubrir temporalmente unha praza de traballador social por un prazo de 12 meses a xornada completa no Departamento de Servizos Socias. O prazo de inscricións está aberto ata o vindeiro venres 18 de xullo segundo anuncio do Boletín da Provincia de Pontevedra, onde se atopan as bases da convocatoria.
A compañía Xesta Vermella porá en escena “Doutor de cabeceira” este sábado na Casa Veciñal de Couso.
A compañía Xesta Vermella (Borreiros) porá en escena Doutor de cabeceira. A peza teatral, autoría de Antonio Florencio Fortes González. A función terá lugar o vindeiro sábado 12 de xullo ás 21 horas na Casa Veciñal de Couso.
A compañía A Xesta Vermella destaca pola capacidade de espallar diversión e alegría dende o escenario. Está integrada por veciños de San Martiño de Borreiros no ámbito do seu centro cultural. A pouco de formarse presentaron o Doutor de cabeceira o pasado 7 de xuño cun cheo total das instalacións do CC Borreiros. Este sábado poderemos gozar da obra na Casa Veciñal de Couso
Nigrán súmase á estrea simultánea do filme documental "YO DECIDO, El tren de la libertad"
Nigrán súmase á estrea simultánea do filme documental "YO DECIDO, El tren de la libertad".
En febreiro de 2014, máis de 80 cineastas de toda España uníronse para levar a cabo un documental colectivo sobre O tren da Liberdade: a marcha que miles de persoas realizaron desde todos os recunchos do país, até Madrid, para manifestarse e esixir que se manteña vixente a actual lei do aborto. Daquela iniciativa xurdiu o filme que se presenta hoxe ás 20:30 na sede do PSOE de Nigrán.
JPAGE_CURRENT_OF_TOTAL