O Xornal do Val Miñor. Baiona, Nigrán, Gondomar

O Colexio Rural Agrupado de Gondomar leva o seu nome
O próximo venres, 1 de decembro, terá lugar a segunda das TERTULIAS DO IEM deste curso 2006-07. Como é costume será ás 20:30 h. no Pazo da Escola. Nesta ocasión estará con nós a pedagoga Antía Cal que exerceu durante anos o seu maxisterio no Colexio, do que foi fundadora e directora, Rosalía de Castro de Vigo.
A súa profunda pegada como pedagoga fixo que o Colexio Rural Agrupado de Gondomar decidise, no seu momento, homenaxeala poñéndolle o seu nome. Na actualidade segue con paixón o mundo educativo e sobre os retos actuais do ensino falará na Tertulia do IEM.

A Galería de Arte Iván Morillas (r/ Xulián Valverde, Sabarís, Baiona) acollerá a charla “A OBRA DO ARQUITECTO ANTONIO PALACIOS NO VAL MIÑOR” que pronunciará o profesor Xosé María Ramón Iglesias Veiga o xoves 16 de novembro de 2006 ás 20:30 h. nos locais da Galería de Arte Iván dentro do ciclo “A Arte e a Palabra” que organiza o Instituto de Estudos Miñoranos.
Antonio Palacios deixou pegadas da súa obra no Val Miñor, tanto no proxecto da Virxe da Rocha baionesa como nos dous chalés que realizou en Praia América pero sobre todo foi no Templo do Mar de Panxón onde Antonio Palacios desenvolveu toda a súa enorme capacidade creativa. Todas estas obras serán analizadas polo profesor Iglesias Veiga. 

O IEM repite as súas actividades na Foz este domingo ás 12:00h , abertas á participación de todas e todos os interesados.
A Semana da Ciencia celébrase en toda Europa e ten por misión darlle unha volta ao coñecemento. Pon o acento en amosarlles máis que en contarlles aos cidadáns como a ciencia inflúe nas súas vidas: dende os trebellos máis simples de andar pola casa até a técnica máis sofisticada.  

O Instituto de Estudos Miñoranos, en colaboración coa Dirección Xeral de I+D+I da Consellería de Innovación e Industria do Goberno Galego, veñén de organiza  a actividade: "A Foz: unha aula ao aire libre". 
A Foz converituse nestes días nun alua ao aire libre que acolleu arredor de 300 alumnos e alumnas de 2º, 3º e 4º de ESO dos IES Val Miñor, Escolas Proval, Auga da Laxe, Covaterreña e 1º de Marzo. 

O próximo venres 10 de novembro terá lugar a II CONFERENCIA ANUAL “DON DIEGO SARMIENTO DE ACUÑA” para conmemorar o 400 aniversario do falecemento (2 de outubro de 1626) do Iº Conde de Gondomar.

Esta conferencia anual organizada polo Instituto de Estudos Miñoranos e a Concellería de Cultura de Gondomar terá lugar na Casa de Cultura da vila do Conde ás 20:30h.

Este ano pronunciará a conferencia o catedrático de Historia Moderna da Universidade de Santiago de Compostela PEGERTO SAAVEDRA FERNÁNDEZ  quen desenvolverá o tema de “O Reino de Galicia en tempos do Conde de Gondomar”.

A Semana da Ciencia celébrase en toda Europa e ten por misión darlle unha volta ao coñecemento. Pon o acento en amosarlles máis que en contarlles aos cidadáns como a ciencia inflúe nas súas vidas: dende os trebellos máis simples de andar pola casa até a técnica máis sofisticada. Para lograr isto celébranse arredor dun cento de actividades que buscan azuzar o pensamento, provocar a curiosidade e divertir a un público o máis amplo posible, aínda que os máis novos, e os que conservan un espírito xuvenil, son os máis habituais da Semana da Ciencia.
 >> Descargar manual do curso
Este ano, o tema central da Semana da Ciencia é a neurociencia –con motivo da conmemoración do centenario da concesión do Premio Nobel a Santiago Ramón y Cajal-. Con este pretexto, a Dirección Xeral de Investigación, Desenvolvemento e Innovación promove a celebración de máis de 30 actividades directamente relacionadas co tema: exposicións, conferencias, teatro e cafés científicos, baixo o título de "Un mundo na túa cabeza", que percorrerán toda a xeografía galega entre novembro e decembro cun feixe de experimentos, xogos e conversas sobre esa parte tan sorprendente de nós: a mente.

O Instituto de Estudos Miñoranos, en colaboración coa Dirección Xeral de I+D+I da Consellería de Innovación e Industria da
Xunta de Galicia, organiza entre o 6 e o 12 de Novembro a actividade: "A Foz: unha aula ao aire libre".

O ex presidente da Xunta, Fernando González Laxe, a pedagoga Antía Cal e a escritora Teresa Moure entre as personalidades convidadas.



A primeira das Tertulias será o venres 3 de novembro cunha mesa redonda sobre o ANO DA MEMORIA
Por quinto ano consecutivo o Instituto de Estudos Miñoranos pon en marcha o seu ciclo AS TERTULIAS DO IEM, mantendo o formato que xa é tradicional. Convidamos a unha personalidade relevante da vida cultural, política ou científica galega a falar da súa obra e pasar unhas horas no Val Miñor.

O Instituto de Estudos Miñoranos volve a organizar as recoñecidas xornadas "Tertulias do IEM" onde se dan cita os persoeiros e voces máis importantes po pais nos eidos da cultura, humanidades, política e ciencia.

A primeira das tertulias terá lugar o 3 de novembro adicada ao "Ano da Memoria" e contará coa participación de Telmo Comesaña , Antonio Monroy e Benedita Alonso. Todos eles fillos e filla de asasinados no ano 1936 en plena represión.
A presentación correrá a cargo de Carlos Méixome Historiador e Director do IEM.

Este ano as tertulias contarán ademáis coa presenza de Antía Cal, Francisco Carballo, Francisco Díaz Fierros, Fernando González Laxe, María Reimóndez, Rosa Faraldo Rivas e Teresa Moure.

O Instituto de Estudos Miñoranos e a Galería de Arte Iván Morillas, de Sabarís-Baiona, continúan co seu ciclo de tertulias que denominan A ARTE E A PALABRA.
Nesta ocasión organizan a charla titulada Juan Manuel Castuera." Noticias dun fotógrafo miñorano".
A conferencia, con proxección de fotografías deste excelente artista, será impartida por Ana Castuera, tamén fotógrafa e filla de Juan Manuel Castuera. A presentación do acto será a cargo do editor Antón Mascato.

Esta charla terá lugar o xoves, día 26 de outubro, ás 20.30 horas, na Galería de Arte Iván Morillas (rúa Xulián Valverde, 64) de Sabarís, Baiona.

O Instituto de Estudos Miñoranos quere promover o coñecemento e posta en valor da vida e obra deste singular artista miñorano, para o que inicia con este acto unha serie de actividades ao seu redor.